Hyderabad, Naitung:
Ka Telangana State Level Recruitment Board ha ka sngi Balang ka la pynmih saw tylli ki jingpynbna na ka bynta ban pynlong ïa ka jingpynrung kam beit na ka bynta ki 7,437 tylli ki kam ha ki tnad pulit, Special Protection Force, Fire, Disaster Response, Emergency and Civil Defence bad Prisons & Correctional Services.
Katkum ki jingpynbna, yn sa pyntip ïa ka tarik kaba thikna ban ai ïa ki phorm online ha ka por kaba biang. Ki briew kiba kwah bad kiba biang ki lah ban apply online ha ka proforma ba la buh ïa kaba yn sa pynbiang ha ka www.tgprb.in na ka bynta ban thungkam.
Ha kajuh ka por, la bthah ruh ïa ki kyrtong ba kin leit eksamin ïalade ha u civil surgeon shwa ban apply ïa ka eksamin ban pynthikna ba ki biang ïa ki kyndon ba la buh ha ka met bad ka jingsumar khnang ban lait na ka jingduh jingkyrmen ha ka por kaba hadien, ong ka jingpynbna.
