New Delhi, Nailar:
Ki pulit jong ka Delhi ha ka sngi Balang ki la khanglad ia u Kejriwal bad kiwei kiwei ki nongialam jong ka seng ban iaid sha ka iing sah jong u Myntri Rangbah ryngkat kumba 100 ngut ki briew ban ai palat 2.30 lak ki dorkhas pyrshah ia ka umphniang E20.
U Myntri Rangbah barim ka Delhi bad u heh ka seng AAP u Arvind Kejriwal bad u nongïalam ka seng u Anurag Dhanda ki ïakynduh hadien ba ki la shah pynsangeh ha ki pulit ha ka jingïaid paidbah jong ki ban ïakhih sha ka ïingsah jong u Myntri Rangbahduh ryngkat bad kumba 100 ngut ki briew ban aiti palat ïa 2.30 lak ki dorkhas ban pyrshah halor ka E20 Fuel
U National convener jong ka AAP bad u Myntri Rangbah barim ka Delhi, u Arvind Kejriwal, ha ka sngi Ba-ar, u la kyntu ïa ki briew, ba kin ïasnohkti lang ha ka jingïakhih jong ka seng, pyrshah ïa ka umphniang E20, da kaba ong ba ka jingïakhih, kan ïai bteng haduh ban da pynsangeh noh ïa ka jingpyntreikam jong ka.
Haba kren ha ka jingïalang bad ki nongthoh khubor hadien ba u la ïalam ïa ka jingïaid paidbah sha ka ïing sah jong u Myntri Rangbah ryngkat ki dorkhas ban pyrshah ïa ka umphniang E20, u Kejriwal u la ong ba ka seng kan pyrshah ruh ïa kano kano ka sienjam ban pyntreikam ïa katei ka policy ha ki jylla ba ka don ki nongthaw aiñ.
U Kejriwal u la ong ba ki don tang kumba 100 ngut eiei ki briew kiba la synran ïa ka jingïaid paidbah ha ka sngi Ba-ar, hynrei ki la pyni ïa ka jingshlur da kaba ïashim bynta watla ki la mad ïa ki jingshah kynthoh bad ki jingshah beiñ shah khoh ha ki social Media.
“Lada ki briew ki kwah ban pynduh ïa ka E20, kin hap ban mih sha surok da kaba bun bha,” u la ong. “Ngi don ki MLA ha Goa bad Gujarat bad hangtei ruh ngin ym ailad ban mynjur ïa ka E20. Ki nongthaw aiñ jong ngi kin pyrshah ha ki dorbar thawaiñ,” u la ong.
U MP ka AAP, u Sanjay Singh, u la kam ba u la rah ïa katei ka mat ha Parliament bad u la ïoh ïa ka jubab kaba pyni ba ka sorkar pdeng ka kut jingmut ban pyntreikam ïa ka E20.
U la kynnoh ruh ba ki nongrep na India kin ym ïoh jingmyntoi na ka jingpynmih ethanol bad u la kynnoh ba katei ka policy kan ai jingmyntoi ha ka jaka kata ïa ki nongrep ha America.
