Chennai, Nailar:
Hadien ka jingkyrpad na ki seng bapher bapher jong ki nongrep, u Myntri Rangbah ka jylla C Joseph Vijay ha ka lah sngi U Blei, u la pynbna ban pyllait pura ïa ki ram rep jong ki seng treilang haduh T.75,000.
Katkum ka jingpynbna, ïa ki ram rep jong ki Cooperative farm haduh T.75,000 mynta yn ai 100% ka jingmap, ïa ki ram kiba hapdeng 75,000 bad 1 lak kin ïoh ïa ka jingmap haduh 75,000, bad ïa ki ram kiba palat ïa ka 1 lak kin ïoh ïa ka jingmap kaba heh tam kaba long T.35.000. Baroh ki don 2.38 lak ngut ki nongrep ki ban ïoh ïa ka jingmap ram kabamar T.40 hajar. Ka jingtyrwa ba la pynkylla kan wanrah ïa ka jingmih kaba kham heh kaba T.953.06 klur na ka bynta ka pla tyngka jong ka jylla. Ka sorkar, ha baroh, kan pyllait noh ïa ki ram kiba kot sha ka T. 6,220 klur na ka bynta ki 13.34 lak ngut ki nongrep.
