Bengaluru, Nailar:
Ban tehlakam ïa ka jingdih buaid hapdeng ki samla, ki pulit ka nongbah Bengaluru, ha ka jingïatreilang bad ka seng bym khwan jingmyntoi kaba pynleit jingmut ïa ki samla 1M1B (Shi Million na ka bynta Shi Billion), ki la sdang ïa ka jingïakhih ba la tip kum ka ‘RISE’ ha ka lah sngi U Blei.
Kane ka jingthmu ban ïada na ka jingpang kaba heh bha ka thmu ban pynïasoh ïa palat san lak ngut ki samla pule ha kylleng ki 1,200 tylli ki skul bad ki kolej ha ka nongbah. La pynshong nongrim ha ka phang “Purpose Is My High,” kane ka jingïakhih ka kyrshan ïa ka jingthmu jong ka Karnataka ban tei ïa ka jylla kaba lait na u drok ha u snem 2028, katba ka pyndap ïa ka jingthmu “Beda Bro” kaba la don lypa. Ka RISE ka phai sha ka jingïada, ka jinglah ban shah ïa ka jingsngew, bad ki lad ki lynti kiba bha ban im, da kaba kyntu ïa ki samla ban pynïaid ïa ka bor jong ki sha ki jingïalehkai, ka jingrwai, ka teknoloji, ka jingseng kam seng jam, bad ka jingshakri ïa ka imlang sahlang.
Kum shi bynta ban pyntreikam, la thung ïa u Rishan Subodh, uba dei u samla pule klas 11 ha ka Inventure Academy bad u nongpynkylla ïa ka 1M1B, kum u nongmihkhmat jong ki samla jong ka RISE ban ïalam ïa ka jingïatreilang hapdeng ki paralok ha kylleng ki jaka pule. Ha ki bnai ban wan, ki heh pulit jong ka nongbah Bengaluru kin leit jngoh ïa ki jaka pule ban pynlong ïa ki jingïakren halor ka jingdih buaid, ka jingpynbor jong ki paralok, bad ka jingshim rai.
