Visakhapatnam, Nailar:
Ka Andhra Pradesh kan ïoh T.169.98 klur ha ki san snem hapoh ka jingthmu treikam jong ka thaiñ ban weng ïa ka jingïaleh pyrshah hapdeng ki briew bad ki hati ne Human-Elephant Conflict (HEC), namar ba ka jylla ka ïakynduh ïa ka jingïakynduh kaba nang jur hapdeng ki hati, ki khlaw ba la phiah bad ki jaka rep.
Kane ka jingtyrwa ban mang ka long halor ka bhah kaba 17 per cent kaba la aiti sha ka Andhra Pradesh ha ka jingkhmih bniah ïa ki jingma kiba lah ban mih na ka jingïaleh hapoh ka Regional Action Plan na ka bynta ka jingsngewthuh bad jingpynïaid kaba bniah ïa ka jingïaleh hapdeng ki briew bad ki hati ha South India.
Ïa kane ka kaiphod la pynkhreh da ka Project Elephant Division jong ka Ministry of Environment, Forest and Climate Change (MoEFCC) bad ka Wildlife Institute of India (WII), bad dang shen la pyllait paidbah da u Symbud Myntri Rangbah ka jylla u K Pawan Kalyan ha Visakhapatnam ha ka Visakhapatnam on World Elephant Day.
Kane ka plan treikam kaba san snem ka tyrwa ban pynlut pisa baroh haduh T.999.87 klur na ka bynta ka Andhra Pradesh, Karnataka, Kerala bad Tamilnadu. Na kane, T.500 klur la tyrwa kum ka jingïarap jong ka sorkar pdeng, ha kaba T.480 klur la mang na ka bynta ki saw tylli ki jylla bad T.20 klur na ka bynta ka WII’s Elephant Cell na ka bynta ka jingwad bniah, ka jingpeit bniah bad ka jingbishar bniah.
