Patna, Nailar:
Ka sorkar Bihar, kum shi bynta ban ïaid shakhmat ha kaba ïadei bad ki jingpyntreikam ban pynbiang ïa ki doktor ha ki jaka sumar bad ki jaka hikai ka la khang ïa ki kam sumar shimet jong ki doktor jong ka bad ka la pynbna ba ha ka jaka jong ki, kin ïoh ïa ka bai sumar Non-Practising Allowance (NPA).
Kane ka jingpyntreikam ka long shi bynta ban pyntreikam pura ïa ki doktor na ka bynta ban shakri ïa ki paidbah bad na ka bynta kito kiba dang don ha ki jaka pule bapher bapher kiba dang pynkhreh na ka bynta ki jingpule Nurse ne doktor jong ki.
Ha kaba ïadei bad kane ka bynta, na ka liang ki heh ba dei khmih ki la mynjur ban pynurlong ïa ka jingthmu jong ka sorkar bad ban pyntreikam ryntih ïa ka jingthmu ban pynbiang ka rukom shakri jong ki doktor ha ki jaka ai jingsumar paidbah khnang ba kan ym don kano kano ka jingduhnong ne ka jingïakynduh jingeh jong ki nongpang kiba donkam ïa ki doktor.
Ka tnad ka koit ka khiah ka la pynmih ïa ka hukum kaba thikna ba ki doktor sorkar ha Bihar kin ym ïoh jingbit shuh ban trei ïa ki kam shimet. Hapoh ka jingthmu jong ka sorkar jylla “7-Nischaya-3” (hynñiew tylli ki rai), la khang pyrshah ïa ki doktor bad ki nonghikai na ka bynta ki nongsumar kiba trei hapoh ka Allopathy System ha ka tnad ka koit ka khiah jong ka Bihar, ka tnad ai jinghikai jong ka tnad sumar ha Bihar, bad ka Indira Gandhi Institute of Cardiology.
Ka sorkar jylla ka la mynjur ïa ka jingtyrwa jong ka tnad ka koit ka khiah ha kaba ïadei bad kane. Ïa ki jingbthah ba bniah halor ka NPA bad ka pisa jingkyrshan ban siew sha ki doktor yn sa pynmih hadien ba la mynjur da ka bor ba dei khmih.
Ïa ka rai halor kane la pynmih da u Secretary ka tnad ka koit ka khiah u Lokesh Kumar Singh. Ka ong ba lada lap ïa uno uno u doktor sorkar uba trei ha ki kam shimet un shah pynshitom katkum ki kyndon.
Ha kajuh ka por, ki kyndon thymmai jong ka Bihar halor ka Social Media na ka bynta ki nongtrei sorkar ki la treikam ruh ha ka sngi Saitjaiñ. Ïa ki jingpynkheiï yn ñiew kum ki jingleh bymman bad ki lah ban khring ïa ka jingpynshitom kaba tyngeh. La mynjur ha u bnai Kyllalyngkot kum ka Bihar Government Servants’ Conduct (Amendment) Rules, 2026 bad la pyntip da u Lat hapoh ka Article 309, ki jingbthah ki thmu ban pynthikna ïa ka jinglong ryntih bad ban pynneh ïa ka jinglong ba janai jong ki tnat treikam online.
