New Delhi, Nailar:
“Ka Delhi ka la pynrung palat 1,700 ngut ki nongpang khlam sniang mynta u snem,” la ong ki heh ka tnad ka Koit ka Khiah ha ka sngi Thohdieng (21 tarik u Nailar, 2026), namar ba ka nongbah jong ka ri ka ïohi ïa ka jingkiew jong ki nongpang khlam ha ka por Lyiur.
Ha kane ka sngi, u Myntri ka tnat ka koit ka khiah ka Delhi, u Pankaj Kumar Singh bad ki nongmihkhmat jong ka tnat ka Koit ka Khiah, ki la buh por ban ïakynduh ïa u Myntri ka koit ka khiah ka sorkar pdeng, u J.P.
Nadda bad ki heh ophisar na ka tnad ka koit ka khiah jong ka sorkar pdeng, ban bishar bniah ïa ka jinglong jingman jong ka jingpang swine flu ha ka nongbah.
“La pynkhreh ïa ka kaiphod ban bishar ïa ka jingdon jong kiba ïoh pang bad ïa ka jinglong jingman baroh kawei. Baroh ki don hapoh ka jingshah tehlakam. Ym donkam ïa ka jingtieng. La bthah ïa baroh ki hospital sorkar ban pynthikna ïa ki jaka sumar kiba biang,” la ong u Singh ha ka jingïakren bad ki nongthoh khubor.
U Myntri u la ong ba ka sorkar ka dang buddien bha ïa kane ka jingjia bad ka la bthah ïa baroh ki hospital sorkar ba kin pynthikna ba ki lad jingsumar kiba biang kin don.
“La bthah ïa ki jaka sumar bad ki heh kiba ïadei ban peitngor bha ïa ki rukom ïoh jingpang, ki jaka ba shah ktah bad ki jaka ba lah ban shah ktah,” ong u Myntri bad bynrap ba dang buh ïa ki ward ba kyrpang na ka bynta ki nongpang swine flu.
Ki doktor ha Delhi ki la ong ba ki ïohi ïa ka jingkiew kaba paw ha ka jingdon jong ki nongpang kiba don ïa ka jingpang khlam bad ki dak kiba kum ka jingpang khlam, watla kiba bun ki jingpang ki long kiba rit haduh kiba heh.
Ki heh jong ka tnad ka koit ka khiah jong ka distrik ki la ong ba ka jingkiew jong ki nongpang lah ban pynshong nongrim ha ka jingpeitngor kaba kham bha bad ka jingpynbun ïa ki lad jingïarap.
“La pynïar ïa ki jaka sumar sha Dundahera bad Loni da kaba plie ïa ar tylli ki hospital thymmai kiba don 50 tylli ki jingthiah kawei kawei. Kumba 84 tylli ki jaka sumar bad jingkoit jingkhiah ha sor ruh ki la sdang treikam, bad kumba 55 ngut ki doktor thymmai ki la ïasoh ha ki bynta bapher bapher jong ka jingsumar. Kumta, kine baroh ki la ktah ïa ka jingkiew jong ki nongpang kiba wan ban ïoh ïa ki jingshakri jong ka sorkar ha ka liang ka koit ka khiah,” ong u Dr Rakesh Gupta, u ophisar ba peitngor ïa ka distrik.
“Ki jingshakri hangta ki long kiba biang tang na ka bynta ki jingsumar ba man ka sngi ha kaba ïadei bad kiwei pat ki jingpang. Kiba bun ki nongpang bad kiba pang ba shitom ki dang shah phah sha ki hospital ha Delhi. Kiba bun ki nongpang kiba leit sha ki jaka sumar sorkar ki dei kito ki bym lah ban siew ïa ka bai sumar kaba heh bha,” ong u Himanshu Mittal, u Councillor barim na Kavi Nagar.
“Wat hadien ka jingdawa kaba bteng da ki snem, ki jaka ba sha shiliang ka Hindon ki dang duna ïa ka jaka sumar distrik. Ki nongshong shnong hangne ki shaniah shibun ha ki jingshakri jong ki riew shimet, kiba wan ha ka jinglut kaba heh. Lada uwei u rai ban leit sha ka jaka sumar sorkar, u nongpang u dei ban long uba la pynkhreh ban ïakynduh ïa ki laiñ kiba jrong bad ka jingbym thikna shaphang ka jingdon jong ki dawai/Test kiba donkam bad ki nongtrei ruh kumjuh. Kumta, ki nongshong shnong kim don lad shuh lait noh tang ban leit sha ki jaka sumar jong ki riew shimet” ong u Mohan Sangwan, u nongshong shnong ka Indirapuram.
Ki heh jong ka tnad ka koit ka khiah ki la kam ba ki don ki jingeh bad ki jingduna ha ka jingsumar kiba donkam ban pynbeit kloi katba lah ïa ki jaka ban ïakhun ïa ki jingpang ba saphriang bad ki nongpang kiba donkam ïa ka jingsumar kaba jur. Kiba bun na kum kine ki case ki phah sha Delhi.
