Vijayawada, Nailar:
Ka sorkar Andhra Pradesh ha ka sngi Thohdieng ka la kyrpad ïa ka sorkar Nepal ban wad, ban pyllait im bad ban pynkynriah suk ïa ki 12 ngut ki nongleit ïaid riewblei ïa kiba ym pat shym lap bad kiba sahkut ha Nepal.
U Dr. Arja Srikanth, Commissioner ka Andhra Pradesh Bhavan, New Delhi, u la pynshai ba ka sorkar Andhra Pradesh ka la thaw ïa ki Control Room ha Amaravati bad ha New Delhi ban buddien bha ïa ka jinglong jingman bad ban pynïaid beit ïa ka jingïarap ïa ki nongleit ïaid riewblei bad ki nongshong shnong kiba la shah ktah na ka jingshlei um ha Nepal. U la ong ba ka control room ka la ïoh ïa ka kaiphod jong kine ki 12 ngut harum kiba mynta kim pat lap bad la ïathuh ba ki sahkut, bad kiba ka jingshngaiñ bad ka jaka sah jong ki ka donkam ban pynshisha kyrkieh.
Ki briew kiba la jah rngai ki kynthup ïa u Bala Subramanyam, Atluri Sasi Kumar, Nimmagadda Rajya Lakshmi, Annamdevara Venkatram, Annamdevara Anagha, Kakani Aparna, Chopparapu Ramesh Babu, Santosh Sahu, Spandan Sahu, Surabhi Manmath Padhya, Syna Kumari Sahu, bad Suhasini Reddy Kandimalla.
Na kine ki 12ngut, arngut ki dei ki nong Irish, arngut ki dei ki nong Britain bad uwei pat u dei u nong New Zealand.
