Vijayawada, Nailar:
U Myntri Rangbah ka jylla Andhra Pradesh u Chandrababu Naidu u la pyllait paidbah ïa ka ‘Pramaan Operating System’, kaba dei ka Software ba la pynïaid da ka AI kaba la pyntreikam da ka jingkheiñ jingdiah bad ka jingbud ryntih ïa ki aiñ ba la shna da ka Pramanique Infotech Private Limited, ha ka ophis Secretariat jong u ha Velagapudi ha ka janmiet jong ka sngi Palei.
Ha ka por ba pynlait paidbah, u Chandrababu Naidu u la kylli bniah shaphang ka rukom treikam jong ka rynsan treikam, ki jinglah ban kheiñ jingkheiñ ba la pynshong nongrim ha ka AI, ki rukom treikam ba la pyntreikam da ki aiñ, bad ki kyndon pynneh pynsah ïa ki jingkheiñ. Ki nongmihkhmat jong ki kompeni ki la ai jingtip lyngkot ïa u Myntri Rangbah ka jylla kumno ka System ka pyndonkam ïa ka jingpyntreikam da ka AI bad ka jingpeit bniah ïa ki jingtip ban pynbeit ïa ka jingai jingtip ba jylliew ha ka liang ka pisa tyngka haba ïanujor bad ki Software ba la don lypa ha ka ïew ka hat.
Haba batai ïa ka jingthmu jong ka rynsan, ki nongpynmih ki la pynpaw ba ka aplikeshon ka thmu ban pynpoi ïa ki lad pynïaid pisa kiba kham stet, kiba shngaiñ bad kiba ïatylli na ka bynta ki karkhana treikam, ki nongkheiñ jingkheiñ ba la ai kyrteng, bad ki riew shemphang ha ka liang ka pisa tyngka. Ki la pynpaw ba kane ka jingthmu ka ïahap bad ka thong jong ka ri ‘Viksit Bharat @ 2047’ da kaba pynrung ïa ki lad pynbeit jong ka AI ha ka jingsynshar bad ki rukom treikam jong ki kompeni.
Da kaba sngewnguh ïa ka jingthmu jong ka teknoloji, u Chandrababu Naidu u la pynshlur ïa ka kynhun pynroi ban wad ki lad ki lynti na ka bynta ban pyniar ha ka lawei bad ban pdiang ïa ka ïew kaba kham heh.
Ha kane ka sngi la leit ban ïashim bynta da u Chairman jong ka Pramanique Infotech u Lanka Dinakar, u CEO u Avinash Raina, u Executive Member u Ashish, ki Chartered Accountant ka Meghana bad ka Durga lem bad kiwei pat ki dkhot jong ka kynhun ki la leit ban ïashim bynta ha kane ka sngi ban plie ïa kane ka prokram.
