Bengaluru, Nailar:
Ka jingpynmih ïa ki jingpynbna sha ki 43,81,006 ngut ki nongshong shnong kiba la shah pynrung kyrteng hapoh ka kyrdan jong ki jingbym ïahap bad ka jingbym don map (bym lah ban ïasam ïa ki jingtip jong u snem 2002) la sdang naduh ka sngi Thohdieng jong ka taïew ba la lah, katkum ka jingong jong ka Ophis jong u Chief Electoral Officer (CEO), Karnataka.
Kane ka bynta jong ka SIR 2026 kaba dang ïaid shakhmat ka kynthup ïa ka jingthep ïa ki jingdawa bad jingpyrshah naduh ka 24 tarik u Nailar ka 23 tarik u Nailur bad ka por jong ka bynta ban pynbna/ pynbeit ïa ki jingdawa bad jingpyrshah ka la long naduh ka 24 tarik u Nailar haduh ka 22 tarik u Risaw.
Ïa ki jingpynbna yn aiti sha ki BLO ba kin ai sha ki nongshong shnong ha khyrdop ïing jong ki. Ki nongshong shnong kin hap ban leit sha ki Electoral Registration Officers (EROs) bad ki Assistant Electoral Registration Officers (AEROs) kiba ïadei ryngkat bad ki kot ki sla ba la kdew ban pynshisha. Lada kim lah ban leh ïa kane, ki lah ban shah weng noh na ka thup nongthep vote bad kin hap ban aplai biang ban shah pynrung da kaba pyndonkam ïa ka Form-6.
Ki jingpynbna kiba bun eh ki dei ha Bengaluru Urban (9,45,798), bud sa ka BBMP North District (6,12,963), BBMP South (4,17,611), katba 4,29,345 tylli ki jingpynbna yn pynmih ha ka BBMP Central District. Ha Bengaluru Rural yn pynmih 56,359 tylli ki jingpynbna, bad kaba duna eh ka dei ha Davangere (7,085).
Ka ophis CEO ka la pynbna ruh ïa ka jingïakhih kaba kyrpang ha ka 29-30 tarik u Nailar bad 19-20 tarik u Nailur ban ïarap ïa ki nongshong shnong ban pynrung kyrteng bad ban pynbeit. U CEO u la ai jingbthah sha ki Ophisar Elekshon District ban pynthikna ba ki BLO, ki ERO bad ki AERO kin don ha ki jaka thep vote jong ki ban ïarap ïa ki nongshong shnong ban pynrung kyrteng kum ki nongthep vote bathymmai da kaba pyndonkam ïa ka Form-6, lane ban pyndap ïa ka Form-8 na ka bynta ban pynbeit ha ki jingtip elekshon jong ki.
Ïa ki sngi ïelekshon ba kyrpang lah ruh ban pyndonkam ban aiti ïa ka Form-7 ban pyndam noh na ki thup kyrteng. Utei u heh sorkar u la ong ruh ba yn phaikhmat kyrpang ïa ki jaka ba ka thup jong ki briew hapoh ka Absent, Shifted, Dead, Duplicate bad kiwei kiwei (ASDDO) ka bun bha. Kane kan long kumne na ka bynta ka Bengaluru, na ki 1,07,96,415 ngut ki briew kiba hap hapoh ka kyrdan ASDDO ha Karnataka, 46,88,744 (43.42%) ki dei tang ha ki saw tylli ki distrik jong ka Bengaluru.
