Chennai, Nailur:
Ka sorkar Tamil Nadu, ka la pynkynriah noh ïa ka jingpynjlan ïa ka skhim bam jingbam step jong ka Perunthalaivar Kamarajar sha ki klas 6-8 ha ki skul sorkar bad kiba ïoh jingïarap da ka sorkar, haduh ka 22 tarik Nailur. .
Kane ka jingpyllait paidbah kaba la thmu nyngkong ban long ha ka 17 tarik u Nailur, ka sngi kha jong u Periyar EV Ramasamy, hynrei mynta la pynkynriah noh namar ba u Myntri Rangbah ka jylla u C Joseph Vijay u don mynta ha London bad la buh por ban wanphai biang sha Chennai ha ka 17 tarik u Nailur.
Katkum ka jingpyntip ba la phah da ka tnad Social Welfare bad Women Empowerment sha baroh ki nonglum khajna jong ka distrik, la ong ba ïa kane ka jingpynheh yn sdang da ka sorkar kmie ha ka 22 tarik u Nailur.
Ïa kane ka skhim yn sa pyntreikam ha baroh ki distrik ha kajuh ka sngi, lait noh tang ka Chengalpattu bad Tiruppur, ha kaba ka Model Code of Conduct ka treikam hadien ba la pynbna ïa ka elekshon shiteng samoi ha Maduranthagam bad Dharapuram Assembly konstitwensi.
Ka tnad ka la ong ba la pynlong ïa ka jingpyrshang ïa kane ka skhim ba la pynheh ha ka 11 tarik u Nailur. La bthah ïa ki bor synshar distrik ba kin pynbeit mardor ïa kino kino ki jingduna kiba la ithuh ha ka por ba pyrshang bad pyndep ïa baroh ki jingpynkhreh kiba donkam shwa ban pyntreikam.
Ïa kane ka skhim yn pyntreikam ha baroh ki distrik ha kajuh ka sngi, lait noh tang ka Chengalpattu bad Tiruppur, ha kaba ka Model Code of Conduct ka treikam hadien ba la pynbna ïa ka elekshon shiteng samoi ha ki ar tylli ki konstitwensi.
