Vijayawada, Nailur:
U Myntri Rangbah ka jylla N Chandrababu Naidu, ryngkat bad ka Myntri pla tyngka jong ka sorkar pdeng ka Nirmala Sitharaman kin buh ïa ka nongrim na ka bynta ka Rayalaseema Horticulture Hub bad ban plie ïa ki kam projek ha Madanapalle ha ka 2 tarik u Risaw.
Ka sorkar pdeng kan ai pisa T.40,000 klur na ka skhim Purvodaya na ka bynta kane ka projek bad sa T.60,000 klur la khmih lynti ba kan ïoh lyngba ka jingbei tyngka jong ki riew shimet.
Ïa kane ka projek yn pyntreikam ha kylleng ki saw tylli ki distrik barim jong ka Rayalaseema bad kumjuh ha ki distrik Prakasam bad Nellore.
Ka projek kaba la ïoh lyngba ka jingpyrshang kaba khia jong u Myntri Rangbah ka jylla u Chandrababu Naidu ka thmu ban kyntiew ïa ki kam kiba ïadei bad ka rep ka riang ha ki jaka ba don ka jingkhriat bad ban pynkhlaiñ ïa ka ïoh ka kot ha ka rep ka riang jong ka thaiñ baroh kawei.
Katba ka Sorkar Jylla ka dang pyndep ïa ki projek pyntuid um ban pynbiang ïa ka um kaba thikna na ka bynta ban rep ïa ki jingthung jingtep.
