Agartala, Risaw:
U Myntri Rangbah ka Tripura, u Manik Saha ha ka 10 tarik u Risaw, u la leit sha ka prokram sam tiar ïada surok ha AD Nagar Police Ground, kaba thmu ban pynkhlaiñ ïa ka rukom pynïaid kali bad ban kyntiew ïa ka jingshngaiñ ha surok ha baroh kawei ka jylla.
La pynlut haduh 1.29 klur tyngka ban thied ïa ki tiar bapher bapher na ka bynta ban pynïaid ïa ki kali, ong u Myntri Rangbah ka jylla.U Saha u la ong ba ki tiar kin ïarap ban pynlong ïa ka jingpynïaid kali kaba kham suk bad ban kyntiew ïa ka jingshngaiñ ha surok.
U la ban jur ruh ïa ka jingdonkam ban pynkiew ïa ka jingsngewthuh paidbah shaphang ka jingshngaiñ ha surok bad ban pynneh ïa ka jinglong kaba bha jong ka jinghiar ki jingjia aksiden ha surok ha Tripura. Ka prokram ka long shi bynta ban pynkhlaiñ ïa ka jingpynïaid ïa ka leit ka wan bad ban kyntiew ïa ki surok kiba kham shngaiñ ha kylleng ka jylla.
