Kyiv, Risaw:
Ka Ukraine ha ka Sngi Balang, ka la kynnoh ia ka United States ba dei ka US ka bym shym lah ban tehlakam ia ka Russia ba kan leit thombor ia ka Ukraine.
U President jong ka Ukraine, U Volodymyr Zelensky, ula khot ia U Elon Musk, uba heh spah ha ka US tech, ba un pynioh biang ia ka Starlink, kaba ka Kyiv, ka ong ba ka la pynslem.
“Nga kyrmen ba ka dei ka jingbakla, lehse ka jingeh kaba khraw ha ka liang ka jingstad saian”, la ong u Zelensky ha u nongthoh khubor jong ka UK, u Piers Morgan. “Ngam tip, hynrei ngi pan ban leh ia ka, ban pynmeh (ia ka).”
U Myntri kam pohiing barim ka Ukraine, u Mykhailo Fedorov, u la ong hadien ba “ka jingtreikam jong ka Starlink ha ka jingstet kaba haduh 160 km/h ka dang iaid biang. Ki drone kiba ialeh pyrshah bad ki drone kiba ialeh pyrshah ki dei ban lah ban her biang”.
U Musk u la ong ba kano kano ka jingpynthut ka dei ka jingkitkhlieh jong ka sorkar US, ym jong ka kompeni SpaceX jong u.
U la pyniapher hapdeng ka rukom pyniadei kam jong ka Starshield, kaba ka Ukraine ka shaniah na ka bynta ki jingpyntip ha madan thma, bad ka rukom pyniadei jong ki riew paidbah kaba iaryngkat bad ka Starlink, kaba ka Ukraine ruh ka pyndonkam hynrei ym shah ban pyndonkam na ka bynta ki kam thombor.
“Ki Starshield systems ki dei ki trai bad synshar da ka sorkar US. Kino kino ki jingbuh pud halor ka jingsted lane ka jingpyndonkam la rai da ki shipai US bad ha kaba kut ka POTUS,” la ong u Musk haba kdew sha u President jong ka US Donald Trump.
U Zelensky u la jubab da kaba ong em haba la kylli hato u sngew “shah shet kylla” ïa u hadien ba u Trump u la pynbna ïa ka jingïateh kular ban pynbiang diesel bad ka Moscow kaba la shah pynjari jur.
“Ka long kaba sngewsih haba u President Trump u jied ia kawei ka liang, ym ia ka liang jong ngi”, u la ong. “Nga tharai ba ki nongai jingmut jong u ki bakla. Ngam tip mano ba pynbor ia u ban nym leit sha ka liang kaba dei. Kane kam dei (ka) liang kaba dei jong ka histori,” la ong.
U Zelensky u la buh ïa ka jingbym don ki jingmaham na ki paralok shaphang ka jingkhih jong ki jingshah thombor ba khlaiñ ha ka miet jong ka Sngi Balang bad ha ka step jong ka sngi Thohdieng kum ka “bym hok satia”, bad u la kynnoh ïa ka Russia ba ka la pynkheiñ da kaba thmu ïa ka jingong ba la pynbna marwei da u Trump.
