Guwahati, Risaw:
Ka sorkar Assam ka la pynkhuid ïa palat 638 hectare ki jaka ba la shah knieh ha ki jingpynkynriah jaka ha kylleng ki distrik, kynthup ha Golaghat, Hojai bad Nagaon ha kine ki khyndiat sngi ba la dep, ong u Myntri Rangbah ka jylla u Himanta Biswa Sarma ha ka 20 tarik u Risaw.
Ïa ka jingpynkynriah briew, la pynlong ha ka taïew ba la lah, ka dei kaba la thmu ïa ki jingkynnoh ba ki tur sha ki jaka khlaw ha ki jaka ba la ïada. Kumba 1,000 tylli ki longïing ki la shah beh ha katei ka jingpyntreikam, la ïathuh ki heh sorkar.
Haba pynbna ïa kane ka jinglong jingman ha ka jingthoh ha ka Social media, u Sarma u la ong ba ka sorkar kan dang bteng ïa ka jingpyrshang ban ïada ïa ka bha ka miat jong ka jylla.
“Ka ‘Rudra Roop’ jong ka jingsynshar jong ngi, ka la jia ha ki nongwan thombor ha ki lai tylli ki distrik, kiba bat be-aiñ ïa ki jaka kiba heh ha Golaghat, Hojai bad Nagaon,” ong u Myntri Rangbah.
“La don palat 638 hektar ka jaka la pynkhuid ha ka jingtreikam, katba ngi dang trei ban pynskhem ïa ki jingmyntoi jong ka Assam,” u la bynrap. Ki jingpynkhreh ba khatduh ki dei shi bynta jong ka jingpynkynriah briew kaba dang ïaid shakhmat jong ka sorkar jylla ban pynkhuid ïa ki jingkynnoh ba la pynthut ïa ki khlaw bad kiwei kiwei ki jaka sorkar.
