Srinagar, Risaw:
U Myntri rangbah barim ka Jammu and Kashmir, U Ghulam Nabi Azad, ha ka sngi U Blei, u la ong ba ka jingkren jong u President ka National Conference, u Farooq Abdullah, ha kaba iadei bad ki jingdawa jong ka Pakistan ia ka Kashmir, ka long kaba bakla.
U la kynthoh halor ka jingkren jong u Abdullah ha ka jingïalang jong ka party ha Budgam district ha ka sngi saitjaiñ, ha kaba u president ka NC u la kynnoh ba ka Pakistan kaba pynkhih ïa ka mat Kashmir ha ki jingïalang pyrthei ka la pynlong ïa kane ka thaiñ kaba shngaiñ.
“Peit ia ka jinglong jingman ha PoK, ha kaba ki briew ki iakhih na ka bynta ka hok jong ki. Naduh u snem 1947, ki sorkar pdeng kiba bud ryntih, naduh u Nehru haduh u Modi, ki la noh synniang sha ka roi ka par jong ka J&K khlem da khein ia ki seng sain pyrthei,” bynrap biang u Azad.
“Nga burom ia u Farooq sahab, tangba ka jingkren jong u, ka long kaba bakla lut. Lada don mano mano ba dei ki nongshun jong ka India bad ki paidbah ka J&K, kata ka dei ka Pakistan,” la thoh u Azad ha ka X handle jongu.
U nongïalam Shia bad myntri barim ka Imran Ansari, haba pynshitom ïa u president ka NC, u la kyntu ïa ki briew ba kim dei ban bud ïa u Abdullah.
“Tang ka jingkyrpad kaba sngewrit bad kaba sngewrit sha ki para nong Kashmir jong nga. Sngewbha wat leh kum u Farooq sahab. Ma u bad katto katne ki kynhun tem ba la jied ki laitluid ban ong eiei,” la thoh u Ansari ha ka X handle jongu.
U Ansari u la buh kyrteng ia ki nongialam ka NC kum ki “nongleh pyrshah kiba siew bai wai”.
“Ka jingleh pyrshah jong ki kaba la khot ka dei ka jingleh pyrshah ba la ai wai. Ia kane ka jaka la shah tang na ka bynta ki katto katne ngut kiba la jied. La shah ia kaei kaei kaba ki ong. Lada u Kashmiri ba rit paid u kren da ka sur kaba kum kata, ka sorkar tang hapoh ki sekhon kan buh ia uta u briew ha phatok hapoh ka PSA ne UAPA,” u la bynrap.
Ka BJP ha kane ka sngi Saitjain ka la dawa ban leh eiei na ki pulit ia u Abdullah.
Mynsaw bun ngut ba ïatyngkhuh ki u Rahul bad ka kali kit nongpang
New Delhi, Risaw:
Katkum ki khubor, la ong ba bun ngut ki briew ki la mynsaw hadien ba 5 tylli ki kali jong u nongialam ka Congress- u Rahuh Gandhi, ki la iatyngkhuh bakla bad kawei ka kali kit nongpang ha ka thaiñ Purvanchal hapoh ka jylla Uttar Pradesh.
Ki 5 tylli ki kali kiba la ngat ha katei ka jingjiatyngkhuh kali ha Haliyapur, kaba jngai 100 km na ka nongbah jong ka Jylla Lucknow, ki dei kiba don shadien jong katei ka kynhun synran ia u Rahul Gandhi, la iathuh ki pulit.
Ki briew kiba la mynsaw ki kynthup ia ki nongtrei ka party bad ki bor pahara.
Ka jingshim dur jong ka CCTV na ka jaka ba jia ka jingjia aksiden ka pyni ba ka kali kit nongpang ka don ha ka lynti kaba stet kaba sha ka liang kadiang, ha kaba bun ki kali ki la ia tyngkhuh ha kiwei pat ki lynti.
Kawei ka kali Scorpio SUV kaba la pynkhih ia ka hood jong ka namar ka jingshah tynrah ka la long kumba ka la sangeh ha khmat ka kali kit nongpang hadien ba ka la shah tynrah, la pyni da ki dur.
U Gandhi, ula hiar ha ka kad liengsuiñ jong ka Lucknow, ha ka por mynstep jong ka sngi. Naduh hangta, ka kynhun jong u ka la sdang ban iaid sha Sultanpur kaba jngai kumba 135 kilomitar. Kane ka jingjia aksiden ka la jia ha ka por ba ki don kumba 35 km na ka jaka ba ki thmu ban leit.
Ha Sultanpur, la buh por ba un leit hajir hakhmat ka ïingbishar ba kyrpang jong ka MP-MLA ha kaba ïadei bad ka mukotduma pynjah burom kaba ïadei bad ka jingkynnoh ba u la kren pyrshah ïa u Amit Shah ha ka por ba u dang long u heh ka BJP.
