New Delhi, Risaw:
U Myntri ka sorkar pdeng uba dei khmih ïa ka tnat ki kam pohïing u Amit Shah, ha ka sngi Palei, u la ïakren bad ki Myntri Rangbah jong ka Andhra Pradesh, Puducherry, Odisha bad Chhattisgarh ha ka jingwan jong ka erïong Arnab, bad u la pynthikna ïa baroh ki jingïarap ban pynduna ïa ka jingeh jong ki paidbah.
Ka India Meteorological Department (IMD) ka la ong ha ka khubor ha ka miet jong ka sngiBalang ba ka erïong kaba jur bha halor ki rud duriaw jong ka Andhra Pradesh, Yanam bad ka Bay of Bengal kaba marjan bad ka, ka la ïaid suki suki ha ka jingstet kaba kumba 8 km/h ha ki hynriew kynta ba la dep bad ka la nang jem.
“Ka lah bha ban ïaid shaphang Shatei-Shatei-Sepngi ha kine ki 48 kynta ban wan bad kan nang jem suki suki,” la ong ka IMD.
U Shah u la ong ba ki kynhun jong ka National Disaster Response Force (NDRF) bad ka State Disaster Response Fund (SDRF) ki la rung sha ka jingtreikam bad ki dang bteng ïa ki kam pynlait im bad ai jingïarap ha ka rukom pyllait im.
“Ha ka jingwan jong ka erïong Arnab, la ïakren bad ki Myntri Rangbah ka Andhra Pradesh, Puducherry, Odisha bad Chhattisgarh bad la pynthikna ïa ki ïa kino kino ki jingïarap ban pynduna ïa ka jingeh jong ki paidbah ha ka jingïakynduh ïa ki jingeh,” u la ong ha ka rynsan X.
“Yn sa phah shen ïa ki IMCT (inter-ministerial central teams) ban bishar bniah ïa ka jingktah bad ki jingïarap kiba donkam shuh shuh. Ka sorkar India ka ïeng ryngkat bad ki paidbah da ka jingkut jingmut kaba skhem,” u la ong.
