Shillong, Naiwieng 10
Ka Sports Authority of India (SAI) Training Centre, Shillong kan pynlong ïa ka prokram jied khynnah ïalehkai ha ka Archery, Athletic, Boxing, Football, Judo bad Karate ki ban hap hapoh ka residential bad non-residential scheme, ha ka 8 bad 9 tarik u Nohprah mynta u snem hapoh katei ka shlem ai jinghikai kaba don ha NEHU.
Na ka bynta ka Archery (residential kynthei bad shynrang), Athletic (residential), Boxing (residential), Football (non residential tang ki shynrang), Karate (residential tang ki shynrang) bad ka Judo (residential na ka bynta ki shynrang bad kynthei).
Ka rta jong ki khynnah ka dei ban long naduh 12 haduh 18 snem ka rta, lait tang ka phutbol kaba long 12 haduh 14 snem ka rta.
Ka jingjied ïa ki khynnah kan shong katkum ka jinglah jong ki ban ïalehkai bad kan long ruh kat kum ka jinglah jong ki ha ki lympung ïalehkai bapher bapher ba la ïoh jingithuh kata naduh ki lympung ïalehkai National, State bad District Level, lyngba ka battery test katkum ka rta jong ki.
Ki khynnah ki dei ban wanrah lang ryngkat 2 tylli ki dur passport size bad ka Aadhaar card ryngkat ki kot ki sla ki ba pynshisha ïa ka snem kha ba la ïoh na Municipality/CHC/Primary Health Centre/School /College bad kiwei.
