Tokyo, Naiwieng:
U jumai uba khlaiñ bor la ong ba u la pynkhynñiuh ïa ka phang pdeng jong ka ri Japan ha ka step jong ka Sngi U Blei, ha kaba ka la pynpra ïa ki jingkhang-ïit jong ki dukan, kaba la pynlong ïa ki briew ban phet krad na ki jingtei bad ki iing mala bad la pynmynsaw ïa ym duna ïa ka 22 ngut ki briew.
Ka tnat khmih mariang jong ka Japan, ka la buh jingkheiñ antad ïa ka jingkhlaiñ jong utei u jumai, ha ka jingkhlaiñ kaba 5.7 Magnitude, katba ka Geological Survey jong ka US, ka iathuh ba ka jingkhlaiñ jong utei u jumai, ka long 5.5 Magnitude.
Ki dur TV jong ka Japan ki pyni ïa ki jingkhang-ïit jong ki dukan kiba la pait bad ki tduh jong ki ïit kiba la pait kiba la hap sha surok kaba kitei ki dukan ki don.
Utei u jumai, uba la khynñiuh ha ka por 1:04 baje mynstep, u jylliew kumba 40 kilomitar (25 mail) na sla khyndew ha Shizuoka Prefecture. Ka Aichi bad ka Shizuoka ki dei ki jaka ba marjan. Ki jngai bha na Tokyo bad la ong ba kitei ki nongbah kim shym sngew shuh ïa ka jingkhynñiuh jong utei u jumai ha katei ka sngi. Ka jingkhih kaba jur tam la sngew ha Aichi, katkum ki jingpeit bniah jong ki bor sorkar.
Ka tnat khmih mariang ka la maham ïa ki briew ba kin pynkhreh na ka bynta ki jingkhynñiuh jumai kiba lah ban jia ha ka taiew ban wan, khamtam ha kine ki ar ne lai sngi ban wan.
“Sngewbha peitngor bha ïa ki jingtwa khyndew, ki maw kiba hap bad ki jingktah kiba lah ban mih na ka jinghap slap,” ong ka Ayataka Ebita, ka heh jong ka agency, ha ki nongthoh khubor.
U la ong ba ym shym la lap ïa kano kano ka jingkylla kaba paw haduh mynta sha ka plate jong ka Nankai Trough, ha kaba ki stad saian ki ong ba ka jingkhynñiuh jumai ka lah ban jia.
Ki rel kuli Shinkansen ki iaid ha ka jingstet kaba kham suki ha ki jaka ba shah ktah kum ka lad jingiada. Teng teng ki jingkhynñiuh jumai ki lah ban pynsniew ïa ki lynti rel kiba ki rel ki ïaid.
Ka Japan ka don ha ka jaka kaba ju don ka jingkhynñiuh jumai. Ki bor synshar ki ju bthah ïa ki briew ban buh ïa ki um bilor, ki marbam bad ki battery, ki don ki plan kiba la pynkhreh ban buhrieh hapoh ki miej bad ban buh ïa ki juti iaid kjat kiba jem ha kti.
