Chennai, Naiwieng:
Ka Southern Railway ka pynïaid haduh 130 tylli ki rel naduh ka por shwa ka Deepavali haduh ka Chhath Puja ban pynïaid ïa ka jingïaid paidbah ha ka por lehkmen, ha kaba kumba 70 haduh 80 tylli ki la ïaid hapoh ka Tamil Nadu bad sa 40 tylli ki la ïaid sha ki thaiñ Mihngi bad Shatei, ong u General Manager u U Subba Rao.
U la kren ha ki nongthoh khubor ha shilynter jong ka ‘Station Mahotsav’, kaba la pynlong da ka Chennai Division of Southern Railway ha ka steshon Royapuram ban rakhe ïa ka pateng jong ka kum ka steshon rel kaba la rim tam kaba dang sah ha ka dewbah India. Kum shibynta jong ka jingrakhe, la pynlong ïa ka jingïaid lynti ba kyrpang jong ka pateng jong ka EIR-22 na Chennai Egmore da u Subba Rao, u nongpynïaid ba kyrpang u Vipin Kumar bad u nongpynïaid ïa ka lynti rel jong ka Chennai Divisional u Shailendra Singh.
Kane ka rel kaba kyrpang ka la ïaid hapdeng ka Chennai Egmore bad Royapuram.
U General Manager bad kiwei kiwei ki heh jong ka tnad rel ki la ïaid lyngba ka rel shwa ba kin hiar ha Royapuram Station.
