‘U Putin u dei u khynnah rit bad u Selensky pat uba leh mynleh’: Biden

Washington, Naiwieng: U President barim ka America, U Joe Biden, u la pynpaw ïa ka jinglong kum u “samla” ha ka por ba ki ïakynduh, katba u ai ïa ka jingbishar ba khleh lang, halor...

Washington, Naiwieng:

U President barim ka America, U Joe Biden, u la pynpaw ïa ka jinglong kum u “samla” ha ka por ba ki ïakynduh, katba u ai ïa ka jingbishar ba khleh lang, halor u President ka Ukraine, U Volodymyr Zelenskyy, ha ka kot jingkynmaw ba thymmai jongu, ‘Promise Me, America’.

Katkum ka jingshim bynta na ka kot jingkynmaw ba la ïasam da ka kot khubor ‘The Wall Street Journal’, u Biden u la ïohi ba u Putin u ju pynpaw ïa ki dak bishni bad u ju leh jaituh kum u khynnah rit ha ka por ba don jingïalang, da kaba leh kum u bym don jingsngew ne patiaw eiei kum u khynnah u bym pat tip pat sngewthuh ei2.

U Biden u la ïaroh ïa ka jingnang jingstad jong u Zelenskyy ha ka kam saiñ hima sima, da kaba kdew ba ka ai “ka jinghikai kaba bha bha” na ka bynta ban pynïaid ïa ki jingkitkhlieh jong u kum u nongïalam jong ka Ukraine ha ka por thma. Watla katta, u la ong ba ki don pat ki jingleh jong u kiba ym i shong nongrim.

Hynrei utei u nongïalam barim ka America, u la ong ba u Zelenskyy u kham long sniew jinglong ha ki jingiakren ba shimet bad um long uba sngewnguh kumba u Biden u la khmih lynti.

U Biden u la pynpaw shuh shuh ba ki paralok kiba ïatreilang bad u President jong ka US, u Donald Trump, ki la leit sha u ban soi ïa ka shithi kaba ai bor ïa ki nongmihkhmat ban ïakren markhmat bad u Putin. Kane ka jingkyrpad ka la mih hadien ka jingjop jong u Trump ha ka elekshon President ha u snem 2024 hynrei shuwa ban pynsmai ïa u ha u bnai Kyllalyngkot 2025.

U Biden u la long u President ha ka por ba ka Moscow ka la sdang ïa ka jinghiar thma ba pura jong ka ïa ka Ukraine ha u bnai Rymphang jong u snem 2022. Ka jingsynshar jong u ka la ai jingïarap kaba khraw ha ka kam shipai bad ka pisa sha ka Kyiv, kynthup ïa ka jingïarap shipai kaba USD 500 million kaba la pynbna tang khyndiat por shwa ba u Trump un shimti ïa ka shuki.

Naduh katei ka por u Trump u la shim ïa ka buit kaba pher bak-ly-bak shaphang ka jingialeh kaba dang iaid shakhmat. Watla u la kular ban pynkut noh ïa ka thma hapoh 24 kynta hadien ba u la shim ïa ka kam, hynrei ka jingsynshar jong u ka la iakynduh jingeh ban ioh ïa ka jingjop ha ka jingiakren.

U Trump, ula mad ïa ka jingshah kynthoh, halor ka rukom treikam jongu, ha kaba ïadei bad u Putin, khamtam eh, ha kaba ula pdiang sngewbha ïa u nongïalam jong ka Russia, ha ka jingïalang ha Alaska, ha u snem ba ladep. Ha kajuh ka por, ka sorkar jong u ka la mad ïa ka jingshah bishar bniah halor ki lad ki lynti kiba thmu ban pynjem ïa ki jingkhanglad ha ka jingshalan bor ding jong ka Russia shabar ri.