Kyrpad ka Hasina ban pynïoh kyrkieh ïa ka Passport & NIC Bangladesh

New Delhi, Naiwieng: Ka Myntri Rangbah-duh barim jong ka ri Bangladesh, ka Sheikh Hasina, la ong ba ha kane ka kynti ka la kyrpad ïa ka Bangladesh High Commission kaba don hapoh New Delhi, ba...

New Delhi, Naiwieng:

Ka Myntri Rangbah-duh barim jong ka ri Bangladesh, ka Sheikh Hasina, la ong ba ha kane ka kynti ka la kyrpad ïa ka Bangladesh High Commission kaba don hapoh New Delhi, ba kan pynioh biang ïa ka ‘Passport’ bad ka ‘National Identity Card’ NIC ba shimet jongka, naka bynta ba kan ioh ban leit shong- leit sah biang hapoh ka ri ynda ka la leit phai noh na India.

Ha ka shithi ba ka la phah sha ka Acting High Commissioner jong ka nongbah Delhi, kaba ha ka 19 tarik u Naiwieng, u nongmihkhmat ka Hasina- u Steven Powles KC, u la ong ba dang pyrshang ban pynioh kyrkieh ïa kitei ki kong donkam ba kyrkieh jong katei ka nongialam khnang ba kan ioh ban leit phai biang noh sha la ri ha ka por kaba biang.

Katei ka shithi ba la soi da ka Hasina ha ka 9 tarik u Naiwieng, ak pyni ba u Powles u la lah ban pynpoi ïa katei ka shithi naka bynta ka jing aplai thymma ïa ka Passport bad ka NIC lyngba ka High Commissioner jong ka New Delhi.