Mr. G. D. Thongni
La seng ia kane ka party Aam Aadmi Party (AAP) symbol Synsar, ha u snem 2012, hapoh ka jingialam jong u Arvind Kejriwal bad ki 10 ngut ki nongbud jong u. Ka la ioh ban synshar ha ar tylli ki jylla katta, ha Delhi bad ha Punjab. La seng ia kane ka party, namar ba la jur palat ka jingbamsap ha ka ri jong ngi, kumta la seng ia kane ka party da ka jingthmu ban pynbha bad ban iakhun pyrshah ia ka bamsap hapoh ka ri, khamtam eh ban pynlong ia ka ri kaba nyng-kong ha baroh ki liang (Make India No1), ka long ka thong ba ha khmat eh jong u Arvind Kejriwal.
Kane ka seng hapoh ka jingialam u Arvind Kejriwal ka don ia ka jingiohi jngai na ka bynta ka ri khamtam eh kumno ban pynkylla ia ka synshar ka khadar ha ka ri. U la ong ruh ba ha kine ki 75 snem kiba la leit, ki don ar tylli ki seng kiba synshar ia ka ri, kata ka seng Congress bad ka seng BJP, hynrei kine kim shim la leh ei ei ban pynkylla bad ban kyntiew iaka ri bad lada ki paidbah ki dang ailad biang ia kine ki party ban ioh synshar, ngin sa leit phai biang sha kine ki 75snem kiba la leit. U la ong ruh ba khlem da jer kyrteng iano iano, kiba bun (leader) ki im na ka bynta kibahaiing hasem, don ruh na ka bynta ki paralok jong ki, don ruh kiba don kti ha ki kam bamsap bad ki don ruh kiba kjit bad tuh ia ki jingdon jingem jong ka ri (country).
Ki don san tylli ki kam kiba ha khmat eh ba u Arvind Kejriwal u thrang ban pynurlong na ka bynta ban pynlong iaka ri kaba nyngkong (make India no 1) ha baroh ki liang ki long :-
1. Ban ai jingnang jingstad khlem da siew pisa (free education).
2. Ban ai jingsumar ei (free health treatment).
3. Ban ai kam ai jam ia ki samla (employment to youth).
4. Ban pynioh kajuh ka hok ia ki kynthei (equality right and dignity to women).
5. Ban pynioh ia ka hok jong ki nongrep, khamtam ha kaba iadei bad ka dor ba ki dei ban ioh (Price fair to far-mers).
U ong ruh balei ka ri jong ngi ka sahdien ha kine ki 75 snem lada ia nujor bad kiwei ki ri, wat lada ka ri jong ngi, ki don shibun kiba la nang la stad bad kiba proh jabieng. U ong ruh ba ka ri jong ngi ka lah ban wan ba nyngkong, sa tang lada ki 140 crore ki paitbah kin ai jingkyrshan ia ka Make India No. 1.
Kum uwei na ki nongkyrshan ba radbah jong kane ka party, la slem slem bah nga ju pyrkhat lano ka ri jong ngi kan ioh ki nongialam kiba dei shisha ki nongialam kiba lah ban kyntiew ia ka ri, khamtam eh ba kiba duk ba jynjar kin ioh lad lang ban ioh pule ia ki kyrdan bapher bapher, kum ki doctor, engineer, ki IAS officer bad kumta ter ter……….. bad kumjuh ruh khamtam ha ka pang ka shitom, kiba duk kiba jynjar kim lah kot bor ban phah sumar ha ki hospital kiba biang, namar ka jingduk.
Nga sngew ban ainguh ia u Blei ba ula sei shisha ia u nongialam jong ka ri jong ngi (Arvind Kejriwal) ba u iohi jngai, khamtam ia kiba duk ba jynjar. Nga kyrmen skhem ba un nang lah ban trei kham bha shuh shuh ha ki snem ba dang wan ban kyntiew ia ka ri bad ka jaidbynriew, khamtam ba kan don hapdeng ka shongsuk shongshngain. Nga kyrmen ba kan leh khambha ia ka election ka ban sa long ha ki 4 tylli ki jylla katta, ka Rajasthan, Chhattisgarh, Madhya Pradesh bad Mizoram. Nga kyrmen skhem ba ki paitbah kin ai ka jingkyrshan ia kane ka party, kaba trei shisha na ka bynta u paitbah khamtam eh ia u duk u suk.
Lyngba ka jingisynei u Blei najrong, nga kyrmen skhem ba ka seng Aam Aadmi Party (AAP) kan ioh kheit ia u soh jong ka jingjop ha kine ki saw tylli ki jylla, khamtam eh ban ioh ban synshar dalade ia ka Ri (Country) lehse ha kawei ka sngi, da ka jingisynei u Blei.
