Imphal, Jylliew:
Ka la mih ka jingïakynad hapdeng ka kynhun jong ki riewpaidbah bad ka kynhun jong ki pulit hadien ba ïa ki ar tylli ki metïap kiba la shah pynïap ha ka jingïasiat kaba la jia ha Kangpokpi distrik la leit rah sha Khwairanband Bazaar ha ka janmiet jong ka sngi Palei, ha kaba kane ka la wanrah ki jingkulmar ha ka nongbah Imphal.
Ki pulit ki la pyrshang ban pynsangeh ïa ka kynhun kaba la rah ïa ki metïap ha ryngkat ka jingïaid paidbah sha ka jaka sah jong u Myntri Rangbah, kim banse ban siat ïa ki tyndong lyer pynsat khmat halor ka jingthmu ban pynsapra ïa ka kynhun jong kine ki riewpaidbah.
Ka shlem treikam jong ka seng BJP ruh ka la shah thombor ha kane ka por ba la don ka jingïakynad. Kine ki paidbah kiba la dap da ka jingbitar ki la thang ruh ïa ki tyngshop jong u Myntri Rangbahduh u Narendra Modi, u Myntri ka tnat ki kam pohïing jong ka sorkar kmie u Amit Shah, bad jong u Myntri Rangbah ka jylla u Biren Singh hakhmat ka jaka treikam jong ki pulit ha Bishnupur distrik ha ka por 4 baje janmiet.
