Guwahati, Naitung:
U Myntri Rangbah jong ka Assam u Himanta Biswa Sarma ha ki khyndiat sngi jong ka taïew ba la leit u la khot ïa u Myntri Rangbahduh u Narendra Modi ha ka jaka sah jong u ha New Delhi bad batai shai ha u shaphang ki jinglong jingman ha kaba ïadei bad ka jingshlei um ha ka jylla.
U Sarma u la batai shai sha u Modi ha kiba bun ki bynta ba ïadei bad ki sienjam ba ka sorkar jylla ka la shim na ka bynta ban ai ki lad jingïarap bad ki jingpyllait im ïa ki lanot kiba la shah ktah jur na ka jingshlei um, la ïathuh ka tyllong khubor.
U Mynri Rangbahduh u la sngewkmen haba u la ïohsngew ïa ki rukom pyntreikam bad ki sienjam ba la shim da ka sorkar jylla na ka bynta ban ïarap ïa ki briew na ka jingshlei um bad u la kular ïa u Sarma ba un ai shuh shuh ki lad jingïarap bad ki jingkyrshan khnang ban lah ban ai jingïarap ïa ki lanot.
