Guwahati, Naitung:
U Myntri jong ka tnat ka pule-puthi ha Assam u Ranoj Pegu u la pynbna ba baroh ki jaka ai jinghikai kiba don ha ka jylla kin sa long noh ki jaka ki ban lah ban pynïaid hi bad ki Principal jong kine ki jaka pule kin sa shim ïa ki sienjam na ka bynta ban wanrah ïa ka National Education Policy 2020.
U Pegu u la kren ïa kine ki kyntien ha ka jingai jingkren ha ka por ba la don ka jingïalang ha kaba u la long kum u kongsan ha ka jingdon jong ka jingïalang kaba ju pynlong manla u snem jong ka Assam College Principal’s Council kaba la long ha ka taïew ba la lah ha Jawaharlal Nehru College, Boko.
Ha katei ka sngi la leit ban ïashim bynta da u Myntri ka tnat pule-puthi, u Education Advisor u Dr. Nani Gopal Mahanta, Secretary Higher Education Narayan Konwar, IAS, Director of Higher Education Dharmakanta Mili. Ïa ka prokram la nang pynphuh pynphieng da u Professor Pratap Jyoti Handique, Diganta Biswa Sarma, u riewniam jong u Ramkrishna bad u Sri Arabindo.
Ki la don kumba 49 ngut ki Principal jong ki kolej bapher bapher ha Assam kiba la ïadon bynta ha ka jingïalang.
