Guwahati, Naitung:
Ki shipai jong ka tnat Assam Rifle ha ka jingïatreilang bad ki pulit jong ka nongbah ki la ïoh ban kem ïa uwei u briew ha ryngkat palat 276 gm u Heroin, uba la kot sha ka T. 1.1 klur ha ka ïew bar ri, la ïathuh ki heh pulit. Ka la don ka jingïatreilang jong ki shipai ka Radhanagar Battalion of Assam Rifles bad ka kynhun nongmihkhmat jong ki pulit na Jirighat Police Station jong ka Cachar distrik ha ka Lah Sngi U Blei hadien ba ki la ïoh jingtip shaphang ka jingdon jong ki briew kiba thmu ban die ïa u drok.
Hadien kane, ïa une u briew uba la shahkem bad ïa kine ki jingdih pynbuaid ba la ïoh ban kurup la aiti sha ki pulit jong ka Jirighat bad ka jingtohkit ha kaba ïadei bad ka jingjia ka dang ïaid shakhmat, la bynrap shuh shuh ki heh pulit. Ha ka 30 tarik, Jylliew ruh, ki shipai ka tnat Assam Rifles ki la ïoh ban kurup ïa u Heroin bad ïa u Cigarettes bar ri uba la kot sha ka T. 2.07 klur ha Zote bad Zokhawthar jong ka Champhai distrik.
