Amlarem, Risaw 29
Ka Lailyngdoh SCSC ka la khur jingjop ha ka lympung ïalehkai 3rd Division Football League ba la pynïaid da ka Amlarem Sub-Divisional Sports Association (ASSA), hadien na ka la pynliem noh ïa ka Larem Shyiap SCC da 2-0 kol ha ka sngi Palei ha Mini Stadium Ladpajlem, Amlarem.
Ïa kine ki ar kol ka Lailyngdoh ka la thep ha ka kylla step lyngba u Khambor Kongwang ha ka minit kaba 21 bad u Jhonny Khongji (39).
Katba ha ki jingïalehkai kiba bud, hapdeng ka Teen Rocker Club Padu pyrshah ïa ka Nongbareh Rim FC bad ka Ampdum Khonglah ïa ka Sohkha Mission Multi PC ki la kut ha ka jingïakhaid hadien ba kim shym la lah ban pynkhih jar.
