Kabul, Nailar 27 (UNI)
Ki pulit ka Afghanistan ki la kem ïa khyndai ngut ki briew halor ka jingkynnoh ba ki la donkti ha ka kam khaïi drok ha Khost Province ha ka Sngi Saitjaiñ, la ong ka kyrwoh khubor na ka Provincial Police Headquarters ha ka Sngi U Blei.
Katkum u kyrwoh, la ong ba kitei kiba la shah kem ki la thmu ban die ïa u drok sha ki nongpyndonkam ha ki bynta bapher bapher jong ka Afghanistan. Hynrei ki la pulit ki la kloi noh ban kem ïa ki bad rah sha along ban pynlong ïa ki jingtohkit ba bniah.
Nalorkata, ki pulit ka Afghanistan ki la ïoh ban pynjulor ïa artylli ki shlem shna drok ha Uruzgan bad Herat Province ha ka Sngi Saitjaiñ bad ki la kem ïa saw ngut ki briew na kine ki jaka.
Ka sorkar ba shipor ha Afghanistan ka la bam smai ban ïakhun pyrshah bad ban pynduh pyndam shi syndon ïa ka jingthung Poppy bad ka jingkhaïi drok ha kane ka Ri.
