Port-Au-Prince, Nailar:
Ki bor pyniaid ka Haiti ha ka Sngi U Blei ki la pyntip ba kumba 7 ngut ki briew ki la khlad hapdeng ka jingiasiat hapoh Haiti ha ka Sngi Saitjaiñ. Kane ka la jia hadien ba kawei ka kynhun runar Port-au-Prince ka la leit ha kawei ka jaka ba shong ïakhih ki paidbah Khristan bad ka la synreit kuli naphang ia kat kiba don ha katei ka jaka ha katei ka sngi.
Ki lad pathai khubor na katei ka thaiñ ki iathuh ba da kumno- kumno ki don kumba 10 ngut kiba la khlad ha katei ka jingsynreit kuli bad u Director ka CRDH u la ong ba ia ka jingdon kiba khlad bad mynsaw yn sa ai jingtip shai hadien ynda la ioh wad bniah bha halor katei ka jingjia bad ki don ruh katto katne kiba mynsaw, ha kaba katto katne ngut ruh ki la shah rahbor ha katei ka jingjia.
Katkum ki video ba la saphriang paidbah ha ki ‘Social Media’, la iohi ia bun ngut ki riew paidbah kiba don ha surok, kiba la shah siat bad kiba la thiah lyngktar ha katei ka surok hadien ka jingshah thombor ha kitei ki kynhun runar.
Namar la tip ruh ba ki don bun ngut ki riew paidbah kiba la leit pyniasoh ialade sha katei ka kynhun ba la tip kum ka ‘Bwa Kale’.
