![U Nongsaiñ Hima - Khubor Khasi](https://unongsainhima.com/wp-content/uploads/2023/02/splash-screen-720x405.webp)
Jowai, Nailur 20
Ka CSA Dienchynrum United ka la jam sha ka jingïakhun semi-final jong ka lympung ïalehkai (L) Kesilroy Pala Invitation Football Tournament ba la pynïaid da ka West Jaiñtia District Sports Association (WJDSA).
Kane ka la wan hadien ba ka CSA Dienchynrum United ka lah pynliem noh ïa ka 7 Wasa United da 3-1 kol ha ka jingïakhun quarter final kaba la long ha madan Kiang Nangbah Stadium Ladthadlaboh Jowai ha ka sngi Balang.
Ha kane ka jingïakhun, kine ki kynhun la ïakhun tyngeh naduh kaba sdang ha kaba kim shym la lah ban thep kol haduh kaba kut jong ka kylla step. Dei ha ka kylla miet ba ka CSA Dienchynrum United ka la ïoh ban pynkhihjar ha kaba u Bantei Lyngdoh u la thep ar kol ha ka minit kaba 58 & 65 bad ïa kawei pat la thep u Hanson Pdang ha ka minit kaba 70. Hashwa ban wai 7 Wasa FC ka la lah ban pynphai kylla shi kol lyngba u Dashngain Sukhlain ha ka minit kaba 81.
Ka jingïakhun quarter final ha ka sngi Palei kan long hapdeng ka Rymbai Shkenshynriah FC pyrshah ïa ka Mihmyntdu FC ha ka por 2 baje nohphai sngi.