Kentucky, Nailur:
Uwei u tymmen ba la 59 snem na Shathie mihngi jong ka Kentucky hapoh United States, u la khlad noh hadien ka jingshah kynthah ngap ha ki khyndiat sngi ba la leit. La ong ba utei u briew u la shah kynthah ha shi lymbung ki ngap katba u dang pynkhih ia kawei ka pla kaba la wah slem bha ha ka baranda jong u ha katei ka jingjia.
Dei ha ka 19 tarik jong une u Nailur, ba utei u la khlad noh hadien ka jingshah kynthah ngap katba u dang pynkhuid bad weng noh ia ka pla kaba la rim bha kaba u ju thep ia ka khyndew sboh ban thung- jingthung bad dei ha ka por kumba 5.50 janmiet, ba ki bor pyniaid jong katei ka County ki la pynbna ba utei u tymmen u la khlad noh syndon hadien ba katei ka jingkynthah ki ngap ka la ktah jur ia ka met jong u ha katei ka sngi.
Ia ka kyrteng jong utei u tymmen, ki bor pyniaid kim pat shym la pynpaw eiei namar ki dang ap haduh ba ki bahaiing- hasem jong utei u briew kin da wan poi lut bad ban ioh pynshai ia kaba donkam baroh.
Dang ha ki khyndiat por ba la leit noh jong une hi u snem, uwei u tymmen 93 snem na Arizona u la khlad noh hadien ba ki bor pyniaid ki la iathuh ba u la shah kynthah ha ki ngap hapoh ka iingsah jong u ha Peoria.
