Tripura, Jymmang:
Ki la don arngut ki nong Bangladesh kiba la shahkem ha Agartala Railway Station halor ka jingrung jong ki sha India khlem da biang ki kot ki sla, la ïathuh ka tyllong khubor ba la wan na ki pulit. Ïa kine ki briew kiba la shahkem la tip kyrteng kum u Nargis Akhter (35) bad u Mehedi Hassan (35), kine baroh arngut ki dei ki nongshong shnong na Khulna distrik kaba don ha Bangladesh, kine ki la shahkem ha ka Sngi Ba-ar.
Ki heh pulit ki la ong ba ka la don ka jingbuh jingmudui ha kaba ïadei bad ka jingjia Government Railway Police Station kaba don ha Agartala Railway Station. Ki kyndon ba kine kiba la shahkem ki la shah pynngat ka long hapoh ka kyndon 120(B) bad 370 jong ka Indian Penal Code, 14(C) jong ka Foreigner Act 1946, bad ka kyndon kaba 3 jong ka IPP Act.
