Aizawl, Jymmang:
U Myntri Rangbah jong ka Mizoram u Lalduhoma ha ka Sngi Thohdieng u la ai ïa ka nuksa kaba bha ïa baroh namar u la leit ban ïasnoh kti lang ha ka jingpynkhuid ïa ka wah rit kaba don ha Aizawl kum shi bynta ban pynlong ïa ka Cleanliness Campaign jong ka wah Tlawng, kaba long ka tyllong ba ju sam um sha ka nongbah.
Da kaba phong ïa ki riam jong ki nongtrei, u Myntri Rangbah ha ryngkat ki samla u la don bynta ban pynkhuid ïa ka wah rit Tuikual kaba don ha Aizawl kaba tuid ban ïasoh bad ka wah Tlawng. Na ka bynta u Lalduhoma, u la pynpaw ba u long u briew uba la don ka jingngeit ha ka “Tlawmngaina,” kaba long ka bynta jong ki kam babha jong ki Mizo ban shakri ïa kano kano ka kam khlem da pyrkhat tang namar ïalade shimet, ka jinglong riewkhraw kam pynïapher ïa u ban don bynta ha ka ban ïarap ban shakri na ka bynta ki paidbah.
Ïa kane ka jingpynkhuid la pynïaid da ka jingïatreilang jong ka Save Riparian Group bad ka NSS Cell of Mizoram’s Sports and Youth Service Department.
