![Kurup ki pulit ka Mizoram ïa palat 3 kilo u Heroin na u nong Myanmar nong-myanmar](https://unongsainhima.com/wp-content/uploads/2024/05/nong-myanmar-720x405.jpg)
Aizawl, Jymmang:
Ki pulit jong ka Mizoram ki la ïoh ban kem ïa u nong Myanmar ha ryngkat u Heroin uba la kot sha ka T. 1.06 klur. Ïa ka jingpyntreikam jong ka jingleit khynra jong ki pulit la pynlong ha ka thaiñ Selesih jong ka Aizawl.
Ïa ka jingleit thwet la pynlong hapoh ka jingtreikam jong ka NDPS Act bad ka Foreigners Act. Ki pulit ki la ïoh ban kurup ïa 3.547 kilograms u Heroin uba la kot sha ka T.. 1,06,41,000 na une u nong Myanmar.
Ka jingpyntreikam halor ka jingleit thwet ïa une u nongkhaïi drok ka la long hadien ba la ïoh jingtip shaphang ka jingdon jong u ha ka sngi Saitjaiñ na u Assistant Sub-Inspector (ASI) Zothantluanga Sailo jong ka District Special Branch ha kaba la pynshai da kaba ong ba la don ki nongdie drok ha ka thaiñ Selesih jong ka Aizawl.
Khlem da pynslem, la pynsted ïa ka jingpyntreikam, u Intelligence Branch Inspector Authorized ASI Sailo hapoh ka jingtreikam jong ka Section 41(2) jong ka Narcotic Drugs and Psychotropic Substances (ND&PS) Act u la lamkhmat ban leh ïa kaba donkam ha kaba la pynlong ïa ka jingthwet kaba jur bad ïoh kem syndon ïa une u briew.