Kane ka long ka jingïohi haba bishar ïa ka rukom ai jait kheiñ jait kaba noh shiliang kaba shu shim tang na ka kmie ha ri Khasi jong ngi kan sa kylla ha kawei ka sngi, Balei namar katkum ka jingngeit ki mynbarim ka ai jait sha u kpa ne shynrang kan sa jop ha kaba khadduh. Namar wat ha ka jingngeit Khristan ruh u Blei u la thaw nyngkong eh ia u shynrang bad hadien ïa ka kynthei. Te da lei lei ka kynthei kam lah ban long halor u rangbah lano lano ruh. Ka dei ka hok ïa u rangbah ban bat ïa ka jait ka khong. Namar kane ka ai jait sha ka kmie ka dang mih hadien ba la wanrah ïa ka Sixth Schedule ka ai kyrpang ban ïada ïa ki riewlum rit paid. Hynrei shuwa ïa kane ki tymmen kiba la khlad noh ki ïathuh ba ym ju don ba kylli phi ai jait ha u kpa ne ha ka kmie. Ki ïa ai jait katba ki sngew bit ban ai. Kumta ka sa don kane ka jingai jait kpa katba ki sngew bit ban ai. Kumta ka sa don kane ka jingai jait kpa naduh mynshuwa. Dei ynda la ïoh ïa ka District Council ka sa don ka jingthew ïa ka aiñ ba ïa ka jait ka khong yn ai noh ha ka kmie ym ha u kpa. Kane ka rukom ka long ruh ka jingleh shiliang ïa ki khun shynrang ka Bri u Hynñiewtrep ban ym shah ne ban shim ïa ka jait u kpa. Dei hadien ba la thaw ïa ka District Council. Lada ka long ha kane ka rukom ka bha ban pynduh noh ïa ka District Council ruh. Namar kam lah ban pynïoh ïa ka hok ïa baroh khlem ka jingleh shiliang la ïa u shynrang ne kynthei kumjuh. Namar ban ai jait Khasi ïa ki khun na ki kpa bym dei Khasi ka long sang ha ka jaitbynriew ka Bri u Hynñiewtrep, katba ïa u symbai Khasi paka la kyntait bym ai lad ban shim ïa ka jait kum ka dustur ka riti ka jaitbynriew. Kane ka dei ka jingleh bym kheiñ briew ïa ki rangbah ka jaitbynriew Khasi – Pnar.
C. B. Iawphniaw
