Bah D. Pakyntein
Ha ka bynta-I, la thoh katto katne katba lah, kumno ban ïaleh ban pyrshang ban ïakhun drok ha ka im-lang ka sah-lang, mynta pat ngin ïa khmih ïa ki katto katne ki jingdkoh na ka liang ki bor ba dei khmih.
Kam dei kaba suk ïa ki Iingbishar ban rai pynrem, bad kam dei ruh kaba suk ïa ki ophisar ban kem ïano ïano, khlem da tikna bha. Kam myntoi ban kem, lada ki ioh jamin, ne lait noh, kin ïaid pynheh shadem, bad kin leh biang ïaka juh shi kajuh. Ki don katto kattne ki dawbatlot ka mukutduma, kiba hap pynbeit.Barabor ka Panchhnama, ka don ha ka sla kaba nyngkong ha ka case file, dei ban thoh bha, bad thik ha ka jaka kaba iohkem, naduh ka tarik, ka por, ka jaka, kaba yn pule bniah bha ha Iingbishar, kumta ki Panchas, ki dei ban long kiba lah shai bha ka jingmut jingpyrkhat, bad kam long kaba dei ban shu khot nangne nangtai, bad kiba kit kam shnong, ki dei kiba biang bha ban long Panchas. Ka jingphla dalade ka kham kongsan ban ïa ka jingpla da kaba buh jingkylli, hynrei kadei kawei na ki buit treikam, kaba ym lah ban pynipaid bah hangne.Ki ophisar /nongïasaid aiñ barabor kim ju biang por ne kim ju leit ruh sha Iingbishar man la ka 14 sngi (judicial custodies) ne haba shah khot, ki ai daw da kumne kumtai, bad kane ka pyndom / pynbitar bha ïa ki Nongbishar, basep-eikai ka por. To tip ba ki Nongbishar ki dei kiba bunkam bha, lehsewat ha ki sngi shuti ruh ka jingmut jingpyrkhat ka leitbeit sha ka kam kaba ki trei, namar ka dei ka kam iapkam im,bad ka dei ka kam kaba eh tam ha ka pyrthei, nangta slem ban ioh ïa ka FSL report, uwei u nongsakhi u ongkumne, uwei pat u ong kumtai, mihsa ki nongsakhi lamler, pan por shi pan por ban ai ïa ka chargesheet, ki ophisar haba ki leit talasi, ki klet, ne ioh kim tip ba ki dei ban phah talasi shuwa ïalade ha ki trai ïing, nangta khlem da bud bha ïa ki katto katne ki kyndon aiñ, kum ka section 100 CrPC 1973, section 67 jong ka NDPS Act 1985, section 25 jong ka Indian Evidence Act 1872. Hooid, ki lah ban dei tang ki jingbakla barit, hynrei ki pynmih ïa ka jingartatien /jingbymsngewthuh ha Iingbishar. Barabor, haba la rai pynrem ïa ki nongleh-be-ijot, ne ki nongpyniapbriew la pyntip sha ki lad pathai kotkhubor, bad kane ka pynsheptieng ïa kiwei.Hynrei, ym ju kham ioh jingtip, kaei kaba la jia ïa ki nongkhaiï /die drok, kiba lah shah kem.
Ha kane ka pyrthei, ym don mano mano ba biangbeit nadong shadong. Lah sngew kumba lah biang bha. Hynrei ynda lah poi ha ïingbishar, ki nongïasaid aiñ batbit,jong ki runar, kin lap beit ïa i jingbakla barit bha bad iba ngim ju poi pyrkhat. Ki ju kylli jingkylli ruh da khongpong, bad hap husiar bha ban jubab, to ieh ka dei ka kam ka jong ki. Wat lada lah tikna ban jop beit ïa ki mukutduma, hynrei dang sheptieng hi ha ïingbishar, khamtam ha ka sien kaba nyngkong, namar ngim tip kan jia aiu. Hynrei, kaba phylla pat ka long ba tang shu dep smai ban kren/ïathuh ïa ki jingshisha (wat thok/shukor) ha ka Ktien U Blei, ki jingsheptieng baroh ki shu jah kynsan hangto hangto hi. Nga kit-bok kit-rwiang ïa ki Pulit / Investigating Agencies / NGOs. Lah kut.
