New Delhi, Naitung:
Ka Congress bad ka kynhun synrop INDIA ki pynpaw ba ki la donkam ban pynïoh ïa ka jingsuk ha ka jylla Manipur ha kaba ki la pynpaw ha Parliament na ka bynta ban pynbor ïa ka sorkar ba kan ïaleh katba lah ban pynkut noh ïa ki jingjia sngewsih ki ban mih hapoh ka jylla, la ong u Rahul Gandhi ha ka Sngi Palei, ki sngi ha kaba u la don bynta ha ka jingleit jngoh ïa kane ka jylla kaba la shah ktah jur na ki jingjia jong ki jingïakynad.
U la ïai ban da kaba ong ba u Myntri Rangbahduh u Narendra Modi u la dei ban leit jngoh hi dalade sha Manipur, ban ïamir jingmut bad ban sngap ïa ki jingeh jong ki paidbah ka jylla bad ban buh ka jingkyrpad na ka bynta ban pynïoh ka jingsuk hapoh ka jylla.
U Gandhi u la kren ïa kine ki kyntien lyngba ka jingthoh kaba u la buh ha ka rynsan X naba u la pynsaphriang ïa ki durkhih jong ki jingïakren jong u bad ki briew jong ka Manipur ha ka jingleit jngoh jong u kaba shisngi ïa kane jylla mynshem taïew.
