Na ka daw ka shong-kha khynnah bad ka shongkha khleh ka shongkha shongman u Khasi bad ka dustur ka riti ka la pyntroiñ ïa ka jaitbynriew. Bun ki bym tip kñi, bym tip meikha pakha ki bym tipkur tipkha. Baroh ka la bijai ei ha ka rukom kheiñ kur kheiñ kha u Khasi. La shu tip beit tang shi ïing shi sem kata na ka liang ki kmie ki kpa baroh arliang kmie u shynrang bad ka kynthei. Ym don ba bud shuh ïa ka dustur ka riti ba la buh u longshuwa. Namar haba don ka ïatehktien (Engage) ruh la shu ïa pynbeit tang ki artliang kmie jong u shynrang bad kynthei, ryngkat ki bor pynïathoh. Ym donkam shuh mynta ban dang ïa wad kñi ïa wad meikha meisan. Ka juk ka la kylla ba ka dustur u longshuwa u manshuwa ka la shah rah kla bad ym don ba patiaw shuh mynta. Ngi la kyndat sharud ïa ka rukom ba la pruid lynti u longshuwa u manshuwa. Namar haba ïatehktien ïa ki khun samla dei ban ïaid lyngba u kñi u kpa. Ka dustur Khasi paka ka dang sah tang hangne hangtai ha kyndong kynshrot. Ka shongkha shongman u Kahsi kam ïahap shuh kum ha ki por ki mynshuwa. Mynta ka la shu per ha sla um kum ka sla dieng ba rah ka um bah. Ym don ba bud shuh ïa ka rukom ba la ïalam u ñi u kong. La jan baroh ka dustur ka riti ka la shah rah kla. Ka dustur Khasi mynta kam long shuh kaba paka nylla.
C. B. Iawphniaw