Shillong, Naitung 14
U Lionel Daryl Rymmei na ka jylla Meghalaya u dei uwei napdeng san ngut ki nongap kol kiba la shah kynthup ha ka thup ki nongïalehkai ka India na ka bynta ka Indian National U-20 Men’s ban ïakhun ha ka SAFF U-20 Championship ka ban long ha Nepal.
U Lionel mynta u la ïadon bynta lang ha ka jingkilan met jong 36 ngut ki nongïalehkai ha Goa, hapoh ka jingpeit u head coach u Ranjan Chaudhuri, kaba la sdang ha kaba kut jong u bnai Jylliew.
Ka lympung SAFF kan sdang naduh 18 tarik haduh 28 tarik Nailar ha Kathmandu. Ka India ka don ha Group B ryngkat ka Maldives bad Bhutan, katba ka Bangladesh, Nepal, Pakistan bad Sri Lanka ha ka Group A.
U Lionel mynta u dang dei u rangïalehkai ka FC Goa. U dei ruh uba la mihkhmat ïa ka U-19 Indian Team bad ruh ba la mihkhmat ïa ka Meghalaya ha ka National Football Championship Santosh Trophy.