Jammu, Naitung:
Ki shipai ïada ri bad ki lehnoh ki la don bynta ha ka jingïasiat kaba markylliang da arsien hapoh ki saw kynta ha ki bynta jong ka khlaw ha Doda kaba don ha Jammu & Kashmir, la ïathuh ki heh pulit hynnin ka sngi.
Kumba ki la ïathuh la ong ba ka jingïoh jingtip kaba nyngkong ba ka la don ka jingïasiat ka la long ha Kalaan Bhata ha ka por 10.45 mynmiet jong ka sngi Ba-ar bad hadien kane sa hajan Panchan Bhata ha ka por 2 baje mynstep ha ka por ba dang pynlong ïa ka jingleit thwet lehnoh jong ki shipai ha ka thaiñ jong ka khlaw Desa, ha kaba ki la don saw ngut ki shipai kiba la shah siat ïap ha ka jingïasiat kaba la jia ha ka por shiteng synñia jong ka lah sngi U Blei bad ka sngi Ba-ar.
Kumba la ïathuh ka tyllong khubor, ka jingïasiat kaba markylliang ka la jia hapdeng ki shipai bad ki lehnoh ha kaba ka la jia ha ka por 1 baje jong kane ka step haba ki la siat ïa ki kynhun pahara jong ki shipai ha ki khlaw Bhatta Dessa jong ka Doda. Ka kynhun jong ki shipai ka la pynphai kylla ïa ka jingsiat, bad hadien ka jingïasiat kaba jur, ki lehnoh ki la phet krad noh.
Haba ki la lait phet, ki la lait phet ki la leit pynibor sa bad ka kynhun Village Defence Group (VDG) bad ki la don bynta ha ka jingïasiat kaba markyliang bad ka hashwa ba kin phet rieh sa sha ki bynta ba kham shaneng jong kane ka thaiñ. Kumba la ïoh jingtip la ong ba ym pat ïoh khubor ei ei ban don kiba ïap na ka jingïasiat kaba dang shen.
Ki shipai jong ka kynhun Rashtriya Rifles and Special Operations Group jong ki pulit ka Jammu & Kashmir ki la pynlong ïa ka jingleit thwet lehnoh bad pynlong ruh ïa ka jingkerkut ha Dhari Gote Urarbagi kaba don ha ka khlaw Desa, ka jaka kaba jngai da kumba 55 km na Doda, ha ka miet jong ka lah sngi U Blei hadien ba la ïoh jingtip shaphang ka jingdon jong ki lehnoh ha kane ka thaiñ.
