Haba ïohi ïa ka jingai jingmut jong kiba bun ki kynhun bapher bapher sha ka Expert Committee policy ban pynduh noh ïa ka bhah thungkam kaba 40 la 40 p.c ïa u Khasi – Jaiñtia bad Garo. Ha ka jingïohi jongnga ym dei ban khate lane pynduna ïa ka bhah jong ki Khasi – Jaiñtia bad Garo. Namar ngi ïa long kum shipara hapoh ka Jylla baieit jongngi, la dei ban pynnoh ïa ka bhah 80 p.c. jong ki Khasi – Jaiñtia bad Garo khlem da ktah ne khate ïa kaba la don lypa, ngi ki Khasi – Jaiñtia bad Garo ngi dei ban ïa hun beit ïa kane ka bhah kaba la longdien longsem naduh u snem 1972. Bad ym dei shuh ban dang pynmih kata ka ïa sam doh kyndang thymmai hapdeng jong ki Khasi – Jaiñtia bad Garo. Ngin ïa hun lang kumjuh para Schedule Tribe, trai ri trai muluk. Kane ka 80 p.c. ka kynthup lang ïa ngi ki Khasi – Jaiñtia bad Garo. Ka 20 p. c. sa ai bhah sha kiwei kiwei ki jaitbynriew ba shong ba sah hapoh ka Jylla. Ym dei ban dang pharia shuh shuh ïa ka reservation policy ioh ka nang pynpait pynpra ïa ngi ki trai ri trai muluk. Kane nga sngew ïahap ïa ka jingai jong ka seng HSPDP ban bhah beit 80 p.c. ia ngi ki Khasi – Jaiñtia & Garo. Nga ngeit ki paralok Garo ruh kin hun ïa kane ka jingmang beit 80 p.c. ïa ngi ki Khasi – Jaiñtia bad Garo hapoh ka Jylla.
C. B. Iawphniaw
