Chennai, Naitung:
Shi bynta ban pynrem jur halor ka jingpynkiew palat ïa ka bai bording bad ka jingsniew palat ki jinglong jingman ha ka jylla, u Myntri barim u Sellur K Raju ha ka sngi Balang u la ong ba ka seng AIADMK ka la rai ban pynlong ïa ka jingïakhih ha baroh kawei ka jylla ha ka 23 tarik, Naitung.
“Ha ki khyndiat taïew ba la leit, ki nongïalam jong ki seng saiñ pyrthei ki la shah pynïap, kane ka pyni ïa ka jingnang bun ki daw kiba wanrah ïa ki kynrum kynram bad ki jingïakynad. Ki jingpyndonkam jong ki samla ïa u drok ka la nang jur katba nang mih ki sngi. Mynta, ka sorkar jylla ka la pynbna ïa ka jingpynkiew dor ïa ka bai bording. U heh nongïalam jong ka seng AIADMK u Edappadi K Palaniswami u la pynrem jur halor ki jinglong jingman hapoh ka jylla bad ngi la rai ban pynlong da ka jingïakhih kaba jur ha ka 23 tarik, Naitung,” la ong u Myntri barim.
