Visakhapatnam:
U heh nongïalam jong ka seng YSRC bad u Myntri barim u Botcha Satyanarayana ha ka Sngi U Blei u la dawa ïa ka sorkar jylla ba ka dei ban phah da ka jingtohkit kaba bniah halor ka jingpynshisha ba ka la don ka jingkhaïi drok, ha kaba la ïoh ban kurup na ki song ba la poi ha Visakhapatnam Port na Brazil.
Ha ka jingïakren bad ki nongthoh khubor, u la ong ba kumba la ïoh jingtip la ong, ba ka Sandhya Aqua Exports Limited, kawei na ki kompeni kaba don ka jingïadei bad ki bahaïing jong u heh nongïalam jong ka seng BJP ha ka jylla bad u MP jong ka Rajamahendravaram u D Purandeswari bad ka jingïadei kaba ïajan bad ki nongïarap jong ki nongïalam jong ka seng TDP, ka la don bynta ban wanrah ïa u drok uba la kot sha ka T. 25,000 klur. U la ong ba ki MP na North Andhra ki la dei ban rah ïa kane kamat ha Parliament. U la ong ba lada ka jingtohkit ha kaba ïadei bad ka jingjia ka long kaba bakla, la dei ban ïarap na ka bynta ban ym pynthoh bria ïa ka Visakhapatnam.
Kum shi bynta ban ai jubab halor ka jingkynnoh jong ki nongïalam ka seng TDP halor ka jingklun jaka ha Vizag, u Botcha u la ban jur da kaba ong ba hadien ba la khie ka “erïong Hudhud Cyclone, la thaw ïa ka kynhun Special Investigation Team na ka bynta ban tohkit halor ka jingjia bad kyrpad ïa ka kynhun SIT ba kan sdang ha ka ban pynlong ïa ka jingtohkit ban lap ïa ki jingshisha baroh shaphang ka jingïoh jingmyntoi jong ki briew jong ka North Andhra.
U la ïai ban jur da kaba ong ba lada ka sorkar ka long kaba shida bad leh hok, ka la dei ban bteng ha ka ban pynlong ïa ka jingtohkit ha kaba yn sa lah ban kem ïa ki runar kiba la donkti ha kine ki kam beaiñ.
