New Delhi, Nailar:
Ka kynhun jong 25 ngut ki nongshong shnong kiba la pynpaw ba ki dap da ka jingsngewkhia, kiba kynthup ïa ki nongbishar barim, ki nongïalam, ki nongïakhih ban pynïoh ïa ka hok ki paidbah, ki nongthoh bad ki riew shemphang ha ka ïoh ka kot, ki la thoh sha u Myntri ka tnat ïada ri u Rajnath Singh da kaba kyntu ïa u ba un weng noh ïa ki Licence ban shalan ïa ki tiar ïaleh bad ki tiar siat sha Israel namar ba ka long ka jingpynkheiñ ïa ka aiñ hapoh ka International Law and the Constitutional Law jong ka India.
Ha ka jingpynshai jong kine ki rai, la ong ba kano kano ka jingai tiar shipai sha ka Israel kan long kum ka jingpynkheiñ ïa ki jingkitkhlieh jong ka India katkum ka aiñ pyrthei bad ka jingbthah jong ka Article 21 ba la pule ryngkat bad ka Article 51(c) jong ka Riti synshar jong ka ri India, la kdew ka jingthoh jong ki nongshong shnong. “Ngi kyntu ïa phi, namar kata, ban weng noh ïa ki Licence shalan shabar ri kiba ïadei bad ban pynsangeh noh ïa ka jingai ïa kino kino ki Licence thymmai sha ki kompeni kiba pynbiang ïa ki tiar shipai sha Israel.
” Katto katne tylli ki kompeni na India, kiba dei jong ka sorkar bad ki riew shimet, ki don ka jingïatreilang bad ki nongshna tiar ïada jong ka Israel, bad ki shna ïa ki Sub-system bad ki bynta na ka bynta ki nongshna tynrai. Nalor kata, ki kompeni Israel ruh ki thied ïa ki tiar bad ki tiar na ki kompeni India.
