Kane ka long ka jingïohi jongnga haba ïa dei bad ka jing-ai jait kmie bad ka ai jait kpa ha ngi ki Khasi. Ha ka jingshisha u Rangbah ne u Khatarbor Khasi mynshuwa ki ju bet symbai haba bun ki lok u pynïoh khun ha kylleng ki shnong ka Bri U Hynñiewtrep. Te shu shim lada uwei u shynrang u la shong tnga 10 ngut bad u ïoh ki khun lai ngut saw ngut na kawei ka tnga (10×4 = 40ngut ki khun) kiba ai jait kmie. Te kine ki khun baroh shiphew ngut na ki tnga ki ai jait beit sha ka kmie. Ha ka jingshisha kine ki khun na ki shiphew ngut ki tnga kim ïa dei shipara trai. Namar kim dei na juh u kpa.
Wat la ki ïapher ka jait jong ka kmie. Namar shipara trai la ñiew beit tang ïa ki khun ne ujuh u kpa. Hynrei lada kano kano ka kynthei ka ïoh tnga lai ngut saw ngut ki tnga ba ïapher ki khun kim ïadei shipara trai, namar ba ïapher ki kpa. ïa kine la ñiew noh kum ki shipara ar kpa lai kpa namar kim ïa dei shipara trai bad ym dei na ujuh u kpa. Te haba kumne ki khun ki la ïa heh ia san bad la dei ka por ban ïa shimti ïa ka jinglong kpa long kmie. Namarkata haba ïapher ka jait ka kynja jong kine ki khun kiba la shong ïa sah ha ki jaka bapher bapher ka Ri. Te haba ki la ïa jngai bad iapher ka jait ka kynja, te phin mynjur ba kin don beit kiba ïa poi kha shipara trai na ujuh u kpa. Te kane kam dei kaba mynsaw ïa ka kur ka jait bad ïa ka imlang ka sahlang na ka jaitbynriew ? Hynrei lada ai jait sha u kpa kine ki khun baroh 40 ngut ki ïa tip ba ki ïa long shipara trai na ujuh u kpa watla ïapher ki kmie ruh. Kumta kim nud ban ïa poi kha namar baroh 40 ngut ki la ai jait sha u k pa ba ai ia u symbai. Dei na kane ka daw nga nud ban ong ba ka ai jait kmie ka kham palat ka ïa shong sang ban ïa kiba ai jait kpa.
C. B. Iawphniaw
