Shillong, Nailar 20
Ka Umlyngka SC ka la khur ïa ka jingjop kaba nyngkong ha ka lympung ïalehkai SSA Third Division Football League 2024, hadien ba ka la lah ban pynliem noh ïa ka Krang SC da 7-2 kol ha ka sngi Ba-ar ha SSA Stadium kaba ha First Ground, Polo.
U Adelbert Kharjana u la khur ïa ka hat-trick hadien ba u la ïoh ban thep ha ka minit kaba 87, 90+2 & 90+3. Ïa ki ar kol la thep da u Donboklang Kharjana (23 & 75), katba ïa kiwei pat la thep da u Pynshai Warjri (40) bad u Jolly Hynñiewta (70). Na ka liang ka Krang ka la lah ban pynphai kylla lyngba u Kyrpanglang Mawlong ha ka minit kaba 37 bad u Kynsaining Kharthangmaw (82) hashwa ba kan mad ïa ka jingshah rem ha ka Group-B.
Haba phai sha ka jingïakhun jong ka Group-C, ka Umpling SC ka la pynliem noh ïa ka Gorkha Association da 3-1 kol na ka bynta ban bat ïa ka kyrdan ba hakhlieh da kaba kamai 6 point na ki ar sien ïakhun.
U Jonas Nongbri u la ïoh ban the par kol na ka bynta ka Umpling ha ka minit kaba 64 & 77 bad ïa kawei pat la thep da u Henry Suting (75). Na ka liang ka Gorkha ka la lah ban pynphai kylla shi kol lyngba u Ritwik Pradhaw (79).
