Bhubaneswar, Risaw:
Ka sorkar jylla ka la sdang ïa ka jingpynkhreh ïa ka mang tyngka ba bynrap ha ka dorbar Tlang jong ka ïingdorbar da kaba bthah ïa baroh ki tnad ban aiti ïa ki jingtyrwa jong ki hapoh ka 31 tarik u Risaw.
U Principal Secretary, Finance, u Sanjeeb Kumar Mishra ha ka shithi sha baroh ki Chief Secretary, Principal Secretary bad ki Secretary u la ong ba ka jingdawa ïa ki jingïarap ba kyrpang ka dei ban long katkum ka jingdonkam bad ba la kyrshan da ki plan treikam kiba skhem.
Yn ym pyrkhat ïa ki jingtyrwa jong ki tnad kiba ka jingpynlut jong ki ka duna ïa ka 40 percent na ka mang tyngka ba tynrai jong ki.
Ïa kane ka kyndon la pynjari hadien ka jingpynlut kaba duna kaba ïai bteng da ki katto katne ki tnad. Ka shithi ka la ong ba ki jingtyrwa ba pyndap ki dei ban don ka jingmynjur jong ka tnad ba dei peit bad ka jingmynjur jong ka tnad Finance.
Ki jingïalang bishar bniah da u Myntri Rangbah ka jylla u Mohan Charan Majhi, uba bat ïa ka tnad pla tyngka, ki la kdew ïa ka jingduna ka jingpynlut ha ka mang tyngka khamtam ha ki tnad Works, Rural Development bad kiwei kiwei ki tnad treikam sorkar.
Ki tyllong khubor ba thikna ki la ïathuh ba palat 10 tylli ki tnad kim shym la lah ban ïaid lait ïa ka 60 percent ka jingpyndonkam wat haduh ka shiteng jong u bnai Lber jong u snem mang tyngka ba la dep.
U Myntri Rangbah ka jylla u la wanrah ïa ka mang tyngka kaba T.3.10 lak klur ha u bnai Rymphang.
Ka kynthup ïa ka jingpynlut ha ki prokram kaba T.1.80 lak klur, kumba 58.1 percent na ka mang tyngka baroh, ka jingpynlut pisa kaba T.72,100 klur, ka jingmang pisa ha ka Social Sector kaba T.1,25,583 klur bad ka jingmang pisa ha ka ïoh ka kot kaba T.1,02,455 klur.
Ka dorbar Tlang jong ka ïingdorbar ka lah ban long ha kaba kut jong u bnai Naiwieng lane ha ka taïew ba nyngkong jong u bnai Nohprah.
Ha u snem ba la dep, ka sorkar ka la wanrah ïa ka mang tyngka ba la pyndap T.17,440 klur ban pyndap ïa ka jingdonkam ba la pyndap na ka bynta ki skhim jingïarap bad ka jingpynïaid ïa ki jingjia ba sngewsih.
