Shillong, Nailar 28
Ka Meghalaya Football Association ka ai ka jingkhublei ïa ka Nongjri Presbyterian Secondary School kaba la khur ïa ka nam lahduh ha ka U-15 jong ka International Subroto Cup 2024, hadien ba ka la lah ban pynliem noh ïa ka Major Dhyan Chand Sports College kaba na Utter Pradesh da 3-0 kol ha ka jingïakhun final kaba la long ha ka sngi Balang ha ASC Centre Bangalore.
Kane ka jingjop ka pyni ïa ka jingtbit bad ka jingtrei shitom jong ki nongïalehkai lem bad baroh kiba la don bynta bad kane ka kynhun, la pynpaw kat kum ka kyrwoh ba la pyllait da u President kane ka synjuk u Bah Hamletson Dohling.
“Ka jinglah ban ïaleh-kai ba pynpaw nam ïa kane ka kynhun ha baroh kawei bad ka la long ka jingsarong kaba khraw ïa ka Jylla hi baroh kawei bad kiba la lah ban pyni ïa ki sap ba kyrpang hadien ba la pynheh pynsan ha ka Nongjri Presbyterian Secondary School. Ngi ithuh ruh ïa ka jingkyrshan kaba kongsan na ki bor pynïaid jong ka skul bad ïa ka jingai mynsiem shitrhem jong ki kmie ki kpa, kiba baroh ki la don ka bynta kaba kongsan ha kane ka jingjop,” la bynrap ka kyrwoh.
