Shillong, Nailar 28
Ka shlem treikam jong ka District Sports Officer (DSO) West Khasi Hills kan pynlong ïa ka jingïakop mareh ba la tip kum ka National Sports Day Run 2024 5K Run na ka bynta kiba hapoh 19 snem bad ka 10K Run na ka bynta ki la 19 snem shaneng jong ki shynrang bad kynthei ha ka 29 tarik ka ban sdang bad pynkut ha D.C office, Nongstoiñ ha ka por 6 baje mynstep.
Kane ka jingïakop mareh ka long shi bynta ban rakhe kynmaw burom ia u khlur ïalehkai hockey ka ri u Major Dhyan Chand kumjuh ruh ka Fit India Mission kaba long shi bynta ban rakhe ïa ka National Sports Day.
Ïa kane ka prokram yn ïatreilang bad ki bor synshar District ka West Khasi Hills lem bad ka District Hub for Empowerment of Women hapoh ka ophis jong ka District Social Welfare Officer, bad ka District Sports Promotion Society.
Ka lynti ban mareh jong ka 5k kan sdang na D.C Office, WKHD sha District Court, Nondein lyngba ka Urban Office Nongstoiñ, sha kamon jong ka Nondein Bridge Turning point ban ïaid lyngba ka Nonbah sha Ïew ban poi sha ladweitang bad ban pynkut ha D.C Office.
Katba ka lynti ban mareh na ka bynta k 10k kan sdang na D.C Office, WKHD sha District Court- ïaid shadiang ban poi sha Nondein lyngba ka Urban Office Nongstoiñ sha jingkieng Nondein ban poi sha Siejlieh, Mawiaban kaba ha Mawiaban- Nonbah lyngba ka Ïew ban poi sha ladweitang bad ban pynkut ha D.C Office.
Na ka liang ki bor pynïaid ki la pynkhreh ïa ki khusnam pisa na ka bynta ki nongjop kaba long T. 4,000 ïa kiba hapoh 19 snem bad T. 5,000 ïa kiba 19 snem shaneng, kumjuh T. 2,500/- bad T. 3,000/- ïa kiba wan ba-ar hapoh bad 19 snem shaneng. Kumjuh T. 1500/-bad T. 2,000/- ïa kiba wan balai ha ka liang kiba hapoh bad 19 snem shaneng. La pynkhreh ruh ïa ki khusnam na ka bynta kiba wan ha ka thup kaba shiphew jong baroh ar ki kyrdan.
